यो आफ्नो उ अर्काको सकिने बाटो गोडिनु पर्छ

रामप्रसाद खनाल
भाषणमा मात्र होइन
कार्यशैली र ब्यवहारमा देखिनु पर्छ ।
खादा/माला/ स्वागतमा होइन
जन जनको मन मनमा हुनुपर्छ।
प्रशंसामा रमाउने होइन
आफ्नो गल्ती आलोचनामा देख्नु पर्छ।
आफ्नो मित्र प्रशंसकमा होइन
आलोचनात्मक समर्थनमा देख्नु पर्छ।
कुरा मात्र होइन जनताका
शुभलाभको बानी तोडिनु पर्छ।
तिमी मत माग्न जांदा के के भनेका थियौ
जन जनको मुस्कानमा त्यो देखिनु पर्छ।
कुरा स्वाभिमानका
कुरौटे र चाकडी छोडिनु पर्छ।
यो आफ्नो उ अर्काको
सकिने बाटो गोडिनु पर्छ ।