दशैं…. सम्झना

महिनौ अगाडि टेलरलाई
कपड़ा सिलाउन दिएको
घर घर गई रमाउँदै
ठुलाको आशिष लिएको

कहिले दशैं आउला र
मामाघर जाउँला भनेर
झल्झल्ती आउँछ सम्झना
राखेको दक्षिणा गनेर

दशैं विदामा बासित
घुम्न गएको बजार
आमाले मिठो खुवाको
सम्झना आउँछ हजार

हल्ला खल्ला र रमाईलो
त्यो गाउँ अहिले त रित्तो छ
हराभरा त्यो जन्मघर
कहालीलाग्दो भित्तो छ

आमाको स्नेह र बाबाको प्रेम
हृदयभरी टाँसेकी छु
वहाँहरुकै प्रेमको शक्तिले
दुखमा पनि हाँसेकि छु

हृदय रमाउने यादहरु
जोडिएका छन् दशैसँग
तिनैलाई सम्झी उमार्नु छ
बाँचिन्जेल मनमा उमंग

तनुजा पोखरेल
मनासस, भर्जिनिया