नेपाल टेलिकम १८ औं वार्षिकोत्सव मनाउँदै
काठमाडौं, माघ २२ गते :
नेपाल टेलिकमले आज १८ औं वार्षिकोत्सव मनाइरहेको छ । नेपाल टेलिकममा सरकारको ९१.४९ प्रतिशत शेयर स्वामित्व रहेको छ ।
नेपाल टेलिकमले हाल फाइबर टु दी होम (एफटिटिएच), जीएसएम मोबाइल सेवा, सीडिएमए मोबाइल सेवा, ल्याण्डलाइन, वाईम्याक्स, एफटिटिएच लगायतका सेवाहरु प्रदान गर्दैं आएको छ ।
नेपालमा पहिलोपटक टेलिकम्युनिकेशन सेवा वि.सं. १९७३ मा सुरु गरिएको थियो । तर औपचारिक रूपमा टेलिकम सेवा भने वि.सं २००५ मा मोहन एकाश्वानीको स्थापना पछि प्रदान गरिएको थियो ।
टेलिकमकाअनुसार कम्पनीको ग्राहक आधार २०७८ मंसिर महिनाको अन्त्यसम्ममा २ करोड २७ लाख ८८ हजार भन्दा बढी रहेको छ। सो मध्ये जीएसएम मोबाइलका ग्राहक २ करोड १६ लाख ४५ हजार, सीडीएमए सेवाका ४ लाख ३८ हजार र पीएसटीएन सेवाका ग्राहक ५ लाख ३० हजार रहेका छन् ।
त्यसैगरी कम्पनीको डाटा (इमेल, इन्टरनेट आदि) सेवाका प्रयोगकर्ता २०७८ मंसिर महिनाको अन्त्यसम्ममा कुल २ करोड २० लाख ९७ हजार ६ सय भन्दा बढी पुगेका छन् । सोमध्ये जीएसएम मोबाइलको डाटा सेवाका प्रयोगकर्ता २ करोड १६ लाख ४५ हजार, एडीएसएल सेवाका प्रयो गकर्ता १ लाख ३१ हजार ७ सय, एफटीटीएच डाटा सेवाका प्रयोगकर्ता १ लाख ५९ हजार र वाईम्याक्स सेवाका प्रयोगकर्ता १८ हजार ५ सय रहेका छन् ।
