दोहोरो अंकले घट्यो नेप्से
साताको पहिलो कारोबार दिन नेप्से परिसूचक घटेर बन्द भएको छ ।
सोमबार नेप्से परिसूचक १५.८२ अंक घटेर २०३२.३४ विन्दुमा झरेको छ। त्यसैगरी, यस दिन सेन्सेटिभ इण्डेक्स २.३० अंक घटेको छ भने फ्लोट इण्डेक्स १.१५ अंक र सेन्सेटिभ फ्लोट इण्डेक्स ०.८६ अंक घटेको छ।
यस दिन कारोबारमा आएका १३ वटै समूहका सूचक घटेका छन । यस दिन सर्वाधिक लाइफ इन्स्योरेन्सको शेयरमूल्य १ प्रतिशतभन्दा बढीले घटेको छ ।
कारोबार रकमका आधारमा यस दिन सानिमा बैंक अगाडि छ । यस बैंकको सोमबार ९ करोडभन्दा बढीको शेयर खरिदबिक्री भएको छ । त्यस्तै, यस दिन उपकार लघुवित्त र सिभिल बैंकको ५ करोडभन्दा बढीको शेयर कारोबार भएको छ ।
