नेपाल प्रहरीको महिला फुटबल टिम सेमिफाइनल प्रवेश
स्याङजा, नवौं राष्ट्रिय खेलकुद २०७९ अन्तर्गत आइतबार भएको महिला फुटबल खेलमा नेपाल पुलिस क्लबले समूह चरणको दोस्रो खेल जित्दै सेमिफाइनलमा प्रवेश गरेको छ ।
स्याङजाको वालिङमा भएको खेलमा नेपाल पुलिस क्लबले लुम्बिनी प्रदेशलाई १०-० गोल अन्तरले पराजित गरेको हो । नेपाल पुलिस क्लबको लागि रेखा पौडेलले ६ गोल, निर्मला बिकले २ गोल, दिपा न्यौपानेले १ गोल र अनुस्का शेर्पाले १ गोल गरेका थिए ।
जितसँगै नेपाल प्रहरीको महिला फुटबल टिम समूह ‘ए’ मा ६ अंक सहित समूह विजेता बन्दै सेमिफाइनममा प्रवेश गरेको छ । नेपाल प्रहरीको महिला फुटबल टिमले कात्तिक १ गते समूह ‘सि’को उपविजेता सँग सेमिफाइनल खेल खेल्नेछ ।
