हामी सरकारमा नभएपछि ढिलाढाला हुनु, सुस्त हुनु, काम रोकिनु स्वभाविकै हो : अध्यक्ष ओली


 

नुवाकोट-नेकपा एमालेका अध्यक्ष केपी शर्मा ओलीले एमाले सरकारमा नभएपछि विकास नहुनु र काम रोकिनु स्वभाविक भएको बताउनुभएको छ।

मध्यपहाडी लोकमार्ग विशेष अभियान झुलाघाट-चिवाभञ्ज्याङ समृद्धिका लागि संकल्प यात्रा अन्तर्गत आइतबार नुवाकोटको बट्टारमा आयोजित अन्तर्क्रिया कार्यक्रमलाई सम्बोधन गर्दै अध्यक्ष ओलीले एमाले सरकारबाट बाहिरिएपछि विकास निर्माणका काम ठप्प भएका बताउनुभयो। आफू नेतृत्वको सरकारको साढे ३ वर्षको अवधिमा असाधारण काम गरेको उहाँले स्मरण गर्नुभयो।

नुवाकोटबाट चीनसँगको आवागमनलाई सहज बनाउन टोखा-छहरे सुरुङमार्ग बनाउने लगायत योजना आफूहरुले अगाडि सारेको अध्यक्ष ओलीले बताउनुभयो। उहाँले, ‘गल्छी-मैलुङ-रसुवागढी बाटो बनाउने काम थाल्यौं, चीनसँगको आवागमनलाई सहज बनाउन टोखा-छहरे सुरुङमार्ग निर्माण गर्ने योजना अगाडि सार्‍यौं, २४ किलोमिटर स्याप्रुबेसी-बेत्राबतीखण्डलाई पनि सुरुङ बनाएर काम गर्न योजना अघि सार्‍यौं, त्यसले रेलमार्गका लागि सहज बनाउँछ, काठमाडौंबाट दिल्ली र काठमाडौंबाट बेइजिङ कनेक्सन दुवैतिर सजिलो बनाउँछ, हामीले भारतसँग पनि कुरा गर्‍यौं, रक्सौल(काठमाडौं रेलका लागि भारतले र चीनले पनि काम गरिरहेको छ, हामी सरकारमा छैनौं त्यकारण केही बिलम्ब भएको छ, हामी सरकारमा नभएपछि ढिलाढाला हुनु, सुस्त हुनु, काम रोकिनु स्वभाविकै हो, जसले जति सक्छ त्यति न गर्छ ।’

अहिलेको सरकारले सक्नेजति गरीराखेकै होला भन्ने बताउँदै अध्यक्ष ओलीले भन्नुभयो, ‘तर सक्ने अवस्था नहुँदा त्यस्तो भएको होला, हामीले साढे ३ वर्षको अवधिमा असाधारण काम गरेका थियौं।’

एमाले नेतृत्वको सरकारले मध्यपहाडी राजमार्ग जहाँसम्म पुर्‍याएको थियो त्यहीसम्म पुगेर कामको गति रोकिएको पनि उहाँले बताउनुभयो । ‘केही खण्ड हेर्नै आएका हौं हामी, २१ किलोमिटर त ट्रयाक त बनाइएको रहेनछ, त्यसमध्ये १८ किलोमिटर अहिले वनले स्वीकृति दिएर अब बन्ला कि भनेर भनेर आशा पलाएको रहेछ, ३ किलोमिटरको अझै कहाँबाट ट्रयाक जाने भन्ने टुंगो छैन, अनिश्चितता छ, यो बाटो अबिलम्ब बन्नुपर्छ, जनताको असुविधासँग मात्र होइन यहाँको आर्थिक उन्नती र विकास सबैसँग जोडिएको छ।’

प्रतिक्रिया दिनुहोस  
सत्ता गठबन्धन कुनै बेला पनि टुट्न सक्ने एमाले उपाध्यक्ष पौडेलको दावी

  जनकपुरधाम । नेकपा एमालेका उपाध्यक्ष विष्णु पौडेलले सत्ता गठबन्धन कुनै बेला पनि टुट्न सक्ने

मुलुक संघीयताको कारण कमजोर भयो भन्ने भ्रामक प्रचार मात्र हो : शंकर पोखरेल

काठमाडौं । नेकपा एमालेका महासचिव शंकर पोखरेलले जनतामा बढ्दो निराशाको कारण गलत तत्त्वहरू सक्रिय हुन

नेदरल्यान्डमाथि ६ विकेटको शानदार जित निकाल्दै नेपाल फाईनलमा

काठमाडौं । नेपाल घरेलु मैदानमा जारी त्रिकोणात्मक टी-२० क्रिकेट शृङ्खलाको फाइनलमा प्रबेश गरेको छ ।

सत्ता गठबन्धनमा आवद्ध दलहरुबीच खटपट देखिएपछी ,एमाले बरिष्ठ उपाध्यक्ष पोखरेलको यस्तो आयो ट्वीट

  सत्ता गठबन्धनमा आवद्ध दलहरुबीच खटपट देखिएपछी एमालेका वरिष्ठ उपाध्यक्ष ईश्वर पोखरेलले अहिले विश्वासका साथ

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई