संघीय संसदको महासचिवमा पद्मप्रसाद पाण्डेय नियुक्त
२३ माघ, काठमाडौं । संघीय संसदको महासचिवमा पद्मप्रसाद पाण्डेय नियुक्त हुनुभएको छ ।
राष्ट्रपति रामचन्द्र पौडेलले मंगलबार पाण्डेयलाई संघीय संसदको महासचिवमा नियुक्त गर्नुभएको हो । राष्ट्रपति पौडेलले प्रतिनिधिसभाका सभामुख र राष्ट्रियसभाका अध्यक्षको संयुक्त सिफारिसमा नेपालको संविधानको धारा १०६ को उपधारा (१) बमोजिम माघ २३ गतेदेखि लागू हुनेगरी संघीय संसदको महासचिव पदमा नियुक्त गर्नुभएको हो ।