स्वार्थी मनोविज्ञानको कारण नेपाली समाज परिवर्तन हुन नसकेको हो : शंकर पोखरेल


काठमाडौं । नेकपा एमालेका महासचिव शंकर पोखरेलले कठिनाइसँग भिड्न नसक्नेले प्रगति पनि गर्न नसक्ने बताउनुभएकाे छ।
शनिबार नेकपा एमाले दाङ–काठमाडौं सम्पर्क मञ्चको १२ औँ जिल्ला सम्मेलनको पार्टी केन्द्रीय कार्यालयमा उद्घाटन गर्दै महासचिव पोखरेलले समस्यासँग भागेर होइन संघर्ष गरेर अघि बढ्नु पर्ने बताउनुभयो । ‘संघर्षसँग जुध्न आँट गर्नेले नै प्रगति गर्छ, जो सुविधामा हुर्कन्छ त्यसले कहिल्यै लडाई लड्दैन, जो कठिनाइसँग भिड्छ त्यसले नै प्रगति गर्दछ’, उहाँले भन्नुभयो ।
प्रतिकूलता पैदा भयो भनेर निराश हुनेले कहिल्यै प्रगति गर्न नसक्ने पोखरेलले बताउनुभयो । स्वार्थी मनोविज्ञानको कारण नेपाली समाज परिवर्तन हुन नसकेको उहाँको धारणा छ ।
सामाजिक मनोविज्ञानलाई बदल्न नसकेको कारण नेपाली समाज अघि बढ्न नसकेको उहाँले बताउनुभयो । राष्ट्रिय चिन्तन बोकेर काम गर्दा मात्र देशको विकास गर्न सकिने र जनतामा आशा र भरोसा जगाउन सकिने पोखरेलको भनाइ छ ।
नेकपा एमाले देशको ठुलो पार्टी भएकोले देश विकासको नेतृत्व पनि नेकपा एमालेले नै लिनु पर्ने उहाँले बताउनुभयो । पुरानो गठबन्धनको कारण देश विकासले गति लिन नसकेको कारण एमालेले नयाँ सत्ता समीकरण बनाएको उहाँले बताउनुभयो । गठबन्धनले देश बनेको दृष्टान्त विश्वमा कतै नभएको उहाँले स्पष्ट पार्नुभयो ।
देश बनाउन सबल नेतृत्व, स्पष्ट दृष्टिकोण, बलियो पार्टी र स्थायित्व आवश्यक रहेको उहाँले बताउनुभयो । विचार नभएका नयाँ पार्टीले देश बनाउन नसक्ने पनि उहाँले स्पष्ट पार्नुभयो । सामाजिक अराजकताको कारण देश बन्न नसक्ने उहाँले बताउनुभयो । यसले अस्थिरता मात्र कायम गर्ने उहाँको धारणा छ ।
निशाका कुरा गरेर नेपाल नबन्ने उहाँले प्रष्ट पार्नुभयो । जनतामा आशा जगाएर मात्र देश बनाउन सकिने उहाँले बताउनुभयो । जनतामा त्यही आशा जगाउन नेकपा एमालेले मिसन ग्रासरुट र झुलाघाट–चिवाभञ्ज्याङ समृद्धिका लागि संकल्प यात्रा चलाएको उहाँले जानकारी दिनुभयो ।
मुलुक बनाउनको लागि अहिलेको अवस्था पनि सहज नभएको उहाँले बताउनु भयो । त्यसका लागि नेकपा एमालेको एकल बहुमतको सरकार आवश्यक पर्ने पोखरेलले प्रष्ट पार्नुभयो । त्यसकै लागि नेकपा एमालले मिसन २०८४ भनेको उहाँले बताउनुभयो ।

प्रतिक्रिया दिनुहोस  
विकासको जिम्मा एमालेले लिन्छ : अध्यक्ष ओली

काठमाडौं । नेकपा एमालेका अध्यक्ष केपी शर्मा ओलीले इलाम क्षेत्र नं २ को उपनिर्वाचनमा एमालले

प्रमुख अतिथी पूर्वराष्ट्रपति बिद्यादेवी भण्डारीलाई बनाउने निर्णय

काठमाडौं, बैशाख ५ । नेकपा एमालेका जनसंगठनहरुको महिला राष्ट्रिय भेला आयोजना गर्ने निर्णय गरेको छ

कांग्रेसलाई भोट हाल्ने वामपन्थी होइनन् : केपी ओली

काठमाडौं । नेकपा एमालेका अध्यक्ष केपी शर्मा ओलीले आफूलाई वामपन्थी भन्नेहरू अहिले पनि कांग्रेलाई भोट

युवा नेता विश्वदीप माओवादि प्रबेश

युवा नेता विश्वदीप पाण्डेले पार्टी नेपाल समाजवादी पार्टी (नेसपा) परित्यागको घोषणा गरि माओवादी केन्द्रमा प्रबेश

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई