नेकपा एमाले लमजुङको अध्यक्षमा राजकुमार बिष्ट निर्वाचित
चैत १९ । नेकपा एमाले लमजुङको अध्यक्षमा राजकुमार बिष्ट निर्वाचित हुनुभएको छ । नवौं जिल्ला अधिवेशनको क्रममा भएको निर्वाचनको मतगणना सम्पन्न हुँदा बिष्टले निवर्तमान जिल्ला अध्यक्षलाई हराउनु भएको हो ।
बिष्टले निवर्तमान जिल्ला अध्यक्ष कृष्णप्रसाद अधिकारीलाई पराजीत गर्नुभएको हो । अध्यक्षमा २८८ मत प्राप्त गरी बिष्ट बिजयी बन्दा उहाँसँग प्रतिस्पर्धा गर्नुभएका अधिकारीले १९९ मत पाउनु भएको छ । जिल्ला अधिवेशनबाट पदाधिकारीमा समेत बिष्टकै प्यानलका सवै उम्मेदवार निर्वाचित भएका छन ।
उपाध्यक्षमा बिष्टकै प्यानलका जीतबहादुर गुरुङ २४२ मतसहित बिजयी बन्नुभएको छ । उहाँका प्रतिस्पर्धी शुभाष पौडेलले २३७ मत प्राप्त गर्नुभएको छ । यसैगरी सचिवमा पनि बिष्ट प्यानलका राजेन्द्र बोहोरा ३५८ मतसहित तेब्बरभन्दा बढीले बिजयी बन्नुभएको छ । उहाँका प्रतिस्पर्धी जनकराज मिश्रले ११९ मत पाउनु भएको छ ।
यस्तै उपसचिवमा पनि बिष्टकै प्यानलका दिवश बुढाथोकी ३४९ मतसहित बिजयी बन्नुभएको छ । उहाँका प्रतिस्पर्धी राजेन्द्र अधिकारीले केवल १२९ मत पाउनु भएको छ । महिलाउपसचिवमा भने राममाया राना मगर निर्बिरोध निर्वाचित हुनुभएको छ ।
