अराजनीतिक प्रवृत्तिमा सुधार आवश्यकः महासचिव पोखरेल


१ जेठ (२०८१), काठमाडौं । नेकपा (एमाले)का महासचिव शंकर पोखरेलले नेपाली समाजमा देखापरेको सामाजिक अराजकता र अनुशासन हीनताले समाजलाई गलत बाटोतर्फ डोर्याइरहेको बताउनुभएको छ ।
अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले भृकुटीमण्डपमा आजदेखि सुरु गरेको विद्यार्थी महोत्सवको ‘शिक्षा प्रणालीको पोलिटिकल इञ्जिनियरिङ’ विषयक प्यानल डिस्कसनमा बोल्दै महासचिव पोखरेलले सामाजिक अराजकताले अवसरवाद जन्मिएको प्रष्ट पार्नुभयो ।  उहाँले भन्नुभयो– समाजलाई अघि बढाउने हो भने नीतिगत नेतृत्वको खाँचो पर्दछ ।
नेपालको शिक्षामा जागरण र जागृति ल्याउने काम सचेत र जागरूक राजनीतिकर्मीले नै गरेको बताउँदै महासचिव पोखरेलले आज जति प्रतिष्ठित विद्यालय र क्याम्पस छन्, तिनका स्थापना र सञ्चालनकर्ता राजनीतिक रूपमा सचेत र जागरूक व्यक्ति नै भएको प्रष्ट पार्नुभयो ।
महासचिव पोखरेलले भन्नुभयो– आज शिक्षामा जुन प्रकारका समस्या देखापरेका छन्, त्यो राजनीतिका कारणले नभएर राजनीतिलाई सही बाटोमा हिँडाउन नसकेका कारणले उत्पन्न भएको समस्या हो भन्ने कुरा बुझ्न सक्दा अहिले जुन प्रकारको अराजनीतिक प्रवृत्ति बढेको छ त्यसमा सुधार गर्न सकिन्छ ।
गहिरो अध्ययन बिना समाजलाई सही बाटोमा डोर्याउन नसकिने स्पष्ट पार्दै यसका लागि पठन संस्कृति विकास हुनुपर्नेमा उहाँले जोड दिनुभयो । महासचिव पोखरेलले– ‘समृद्ध नेपाल, सुखी नेपाली’को परिकल्पना पुरा गर्न पनि गहिरो अध्ययन र प्रशिक्षण आवश्यक छ ।
सबै राजनीतिक दल निश्चित विधिबाट निर्देशित हुने बताउँदै  नयाँ बनेका दल पनि स्वाभाविक रूपमा आफ्नो नीति र विधिबाट अघि बढ्ने उहाँले प्रष्ट पार्नुभयो । महासचिव पोखरेलले मौलिक अधिकारको दृष्टिले नेपालको संविधान राम्रो भए पनि राज्य कमजोर हुँदा संविधानले प्रदान गरेको अधिकार स्थापित हुन नसकेको र यसले समाजमा असन्तुष्टि बढेको धारणा राख्नुभयो ।
राज्य सत्ताको माध्यमबाट नागरिकको आर्थिक, सामाजिक अधिकार स्थापित गर्ने काममा सबै लाग्दा नागरिकको असन्तुष्टि घट्ने उहाँले स्पष्ट पार्नुभयो ।

प्रतिक्रिया दिनुहोस  
किन सिरोहिया पक्राउ परे

काठमाडौं, ८ जेठ । कान्तिपुर मिडिया ग्रुपका अध्यक्ष कैलाश सिरोहिया पक्राउ परेका छन् । एसएसपी

रास्वपा कायरहरूको पार्टी होइन: गृहमन्त्री लामिछाने

काठमाडौँ-उपप्रधानमन्त्री र गृहमन्त्री रवि लामिछानेले आफ्ना पार्टी रास्वपा कायरहरूको पार्टी नभएको बताउनु भएको छ। आइतबार

सन्दिपले विश्वकप खेल्न

सन्दीप लामिछानेलाई नेपाल क्रिकेट संघ (क्यान)ले आईसीसी टी-२० विश्वकप २०२४ खेल्न अमेरिका र वेष्टइण्डिज पठाउने

राष्ट्रियता र राष्ट्रिय अखण्डता जोगाउन एमाले बलियो शक्ति हुनुपर्नेः बरिष्ठ उपाध्यक्ष पोखरेल

१ जेठ (२०८१), काठमाडौं । नेकपा (एमाले)का वरिष्ठ उपाध्यक्ष ईश्वर पोखरेलले नेपालको राष्ट्रियता जोगाउन नेकपा

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई