चन्द्रागिरी केवलकारमा अड्किएका सबै यात्रुको सकुसल उद्धार
काठमाडौं । चन्द्रागिरी केवलकारमा अड्किएका सबै यात्रुको सकुसल उद्धार गरिएको छ । बुधबार दिउँसो करिब साढे १२ बजेतिर अचानक विद्युत सेवा अवरुद्ध भएपछि झण्डै ७० जनाजति यात्रु केवलकारमा अड्किएका थिए । स्टेसन नजिक रहेका ८ जना यात्रुको भर्याङ लगाएर उद्धार गरिएको र अन्यको केवलकारबाटै उद्धार गरिएको प्रहरीले जनाएको छ ।
केवलकारमा अड्किएकाहरूलाई झार्न कम्पनीले जेनेरेटर चलाएपनी त्यसले काम नगरेपछि केवलकारको डिब्बामा अड्किएका यात्रुलाई डोरी हातैले तानेर तल्लो स्टेशनमा झारिएर उद्धार गरिएको हो ।
