अन्ततः देशले एक योग्य, दूरदृष्टि भएको, आत्मविश्वासले भरपूर र माझिएको नेतृत्व पाएको छ
योगेन्द्र ढकाल
नेपालको इतिहासमा गत हप्ता कैयन दृष्टिबाट महत्त्वपूर्ण रह्यो । त्यस्तो दूरगामी महत्त्व राख्ने घटना अरू कुनै नभएर नेकपा एमालेका अध्यक्ष कमरेड केपी शर्मा ओलीको प्रधानमन्त्रीमा नियुक्ती हो, जसलाई हिजो २०८१ साल साउन ६ गते आइतबार सङ्घीय संसदको दुई तिहाइ मतले अनुमोदन गर्यो ।
अध्यक्ष केपी शर्मा ओलीको प्रधानमन्त्रीमा नियुक्ती एउटा व्यक्तिको ठाउँमा अर्को व्यक्तिको नियुक्ती मात्र होइन । यो मुठ्ठीभर व्यक्तिहरूद्वारा जारी परमादेशमाथि जनादेशको ऐतिहासिक विजय हो । नेपालको इतिहासमा यो एउटा दुर्लभ घटना थियो ।
आज देश राजनीतिक, आर्थिक तथा सामाजिक सबै दृष्टिबाट अराजक दिशातर्फ तीव्ररूपमा उन्मुख भइरहेको छ । देशको यो अवस्थालाई बदल्न तत्काल प्रभावशाली एवं सार्थक पहल नगर्ने हो भने देश र जनताले भयावह परिणामको सामना गर्नुपर्ने हुनसक्छ । नेपालका राजनीतिक दलहरू र नेतृत्वको काँधमा इतिहासले देशलाई अहिलेको हालतबाट मुक्त गरेर उज्ज्वल भविश्यतर्फ अघि बढाउने जिम्मेवारी सुम्पेको छ ।
यो विगतद्वारा प्रमाणित कुरा हो कि अरू राजनीतिक दलहरू र तिनका नेतृत्वबाट देशलाई अहिलेको अवस्थाबाट बाहिर निकालेर उज्ज्वल भविश्यतर्फ डोर्याउन सम्भव छैन । जुन राजनीतिक दलहरू र तिनका नेताहरू देश र जनताको आजको अवस्थाको लागि कुनै न कुनै रूपबाट जिम्मेवार छन्, तिनीहरूबाट यस्तो अपेक्षा गर्नु पूर्णतः अवस्तुवादी हुनेछ ।
यो अवस्थाबाट देशलाई मुक्त गरेर उज्ज्वल भविश्यतर्फ अगाडि बढाउन सक्ने एउटा मात्र राजनीतिक दल केपी शर्मा ओलीद्वारा नेतृत्व गरिएको नेकपा ९एमाले० हो । नेकपा एमालेको सबैभन्दा ठूलो शक्तिको स्रोत अध्यक्ष केपी शर्मा ओली हुनुहुन्छ । नेकपा ९एमाले० ले एक अनुभवी, आत्मविश्वासले भरपूर, शक्तिसँग नझुक्ने तथा सत्यसँग जोरी नखोज्ने, लाखौँलाख सङ्गठित कार्यकर्ताहरू एवं जनताको सहयोग र समर्थन प्राप्त, सगरमाथाभन्दा अग्लो उचाइ भएको, महासागरको छाल र ज्वारभाटाले पनि हल्लाउन नसकेको विशेष धातुबाट बनेको भीमकाय चट्टान जस्तो केपी शर्मा ओलीलाई आफ्नो नेताको रूपमा पाएको छ । यो नै नेकपा ९एमाले० को शक्ति, सङ्गठन र हमेशा अघिबढ्न सफल हुनु मुख्य स्रोत हो ।
अहिले पूरै देश र जनताले उपरोक्त विशेषताले युक्त केपी शर्मा ओलीको प्रधानमन्त्रीको रूपमा नेतृत्व पाएकोले नेपाल अब पहिलेको अवस्थामा रहँदैन र विकासको बाटोमा अघि बढ्छ भनेर अपेक्षा गर्नु विल्कूल वस्तुवादी हुनेछ ।
