प्रधानमन्त्री केपी शर्मा ओली आज युगकवि सिद्धिचरण श्रेष्ठ स्मृति पुरस्कार वितरण समारोहमा सहभागी हुनुहुने
काठमाडौं । प्रधानमन्त्री केपी शर्मा ओली आज युगकवि सिद्धिचरण श्रेष्ठ स्मृति पुरस्कार वितरण समारोहमा सहभागी हुनुहुने भएको छ ।
युगकवि सिद्धिचरण श्रेष्ठको १ सय १३ औँ जन्मजयन्तीका अवसरमा आज दिउँसो एक बजे जङ्गी अड्डा सभा मण्डप आर्मी अफिसर्स क्लबमा विशेष कार्यक्रम हुँदै छ । कार्यक्रममा प्रधानमन्त्रीले युगकवि सिद्धिचरण पुरस्कार तथा युग कवि सिद्धिचरण युवा पत्रकारिता पुरस्कार वितरण गर्नुहुने छ । ‘आज युगकवि सिद्धिचरण श्रेष्ठ स्मृति पुरस्कार वितरण समारोहमा सहभागी हुँदै छु’, प्रधानमन्त्रीले सामाजिक सञ्जाल फेसबुकमा लेख्नु भएको छ ।
युगकवि सिद्धिचरण श्रेष्ठको जन्म १९६९ साल जेठ ९ गते भएको थियो । हरेक वर्ष जेठ ९ गते मनाइँदै आएको उहाँको स्मृति दिवस तथा पुरस्कार वितरण कार्यक्रम यस वर्ष उहाँकी छोरीको निधन भएका कारण आज मनाउन लागिएको हो ।
प्रधानमन्त्री ओली आज बाग दिवसको कार्यक्रममा पनि सहभागी हुनुहुने कार्यक्रम रहेको छ । आज दिउँसो तीन बजे राष्ट्रिय प्रकृति संरक्षण कोष खुमलटारमा हुने कार्यक्रममा प्रधानमन्त्री सहभागी हुने कार्यक्रम रहेको छ ।
