प्रधानमन्त्री ओलीको अमेरिकाबाट यस्तो आयो स्टाटस
काठमाडौं -संयुक्त राष्ट्र संघको महासभामा भाग लिन अमेरिका जानु भएका प्रधानमन्त्री केपी शर्मा ओलीले नेपाली सेना, नेपाल प्रहरी, सशस्त्र प्रहरी बलका विपद् उद्धार टोलीलाई पूर्ण क्षमताका साथ, उद्धार साधनसहित खट्न निर्देशन दिनुभएको छ । सामाजिक सन्जाल फेसबुकमा एक स्टाटस मार्फत उक्त कुरा बताउनु भएको हो ।
प्रधानमन्त्री ओलीले आफ्नो फेसबुक मा लेख्नुभएको स्टाटस ‘आज पनि देशैभर अविरल बर्षा भइरहेको छ । बाढी, पहिरोले जनधनमा क्षति भएका खबर आइरहेका छन्। अघि भर्खरै गृहमन्त्री रमेश लेखकजीसँग टेलिफोनका कुरा गरेर यस सम्बन्धी सबै विवरण लिएको छु । नेपाली सेना, नेपाल प्रहरी, सशस्त्र प्रहरी बलका विपद् उद्धार टोलीलाई पूर्ण क्षमताका साथ, उद्धार साधन सहित खटाइएको छ ।
