एमालेको नीति : ८४ सम्म काँग्रेससँग सत्ता सहकार्य,चुनावमा आमनेसामने

काठमाडौं । नेकपा एमालेका महासचिव शंकर पोखरेलले काँग्रेस सँगको सत्ता सहकार्य ८४ को चुनावसम्म निरन्तर रहने दावी गरेका छन् ।
काठमाडौंमा जारी नेपाल उद्योग तथा व्यवसायी महासंघको तेस्रो महाधिवेशनको बन्दसत्रलाई सम्बोधन गर्दै महासचिव पोखरेलले देशलाई समृध्द बनाउन एमाले र काँग्रेसको सत्ता सहकार्य ८४ सालसम्म निर्बाध ढंगले रहने दावी गरे । ´एमाले र काँग्रेस बीच ८४ सम्म सत्ता सहकार्य गर्ने सहमति भएको छ ।` महासचिव पोखरेलले भने-´त्यसै अनुरूप सत्ता सहकार्य कायम रहन्छ ।` देशको कु भलो चिताउनेहरूले सरकार ढल्छ भनेर हल्ला चलाएको भन्दै उनले हल्लाले सरकार नढल्ने बताए । महासचिव पोखरेलले काँग्रेससँग ८४ सम्म सत्ता सहकार्य गर्ने तर चुनाव भने एक्लाएक्लै लड्ने समेत बताए । ´हामी ८४ सम्म काँग्रेससँग सत्ता सहकार्य गर्छौ । उनले भने-´चुनाव भने आमएक्लाएक्लै लड्ने छौँ ।`
शहरिया मध्यम वर्गमा एमाले अलि कमजोर देखिएको भन्दै महासचिव पोखरेलले शहरिया मध्यम वर्गमालाई पार्टीसँग जोड्ने अभियान चलाइने बताए ।