नेपाल टेलिकमकी प्रबन्ध निर्देशक पहाडी सहित १८ जना विरुद्ध ३३ करोड ४८ लाख १७ हजार ४३० रुपैयाँ विगो सहितको भ्रष्ट्राचार मुद्धा
काठमाडौँ । अख्तियार दुरुपयोग अनुसन्धान आयोगले नेपाल टेलिकमको बिलिङ प्रणालीमा भ्रष्ट्राचार भएको भन्दै १८ जना विरुद्ध भ्रष्टाचार विशेष अदालतमा मुद्दा दर्ता गरेको छ ।
नेपाल टेलिकमको बिलिङ प्रणालीको मर्मत सम्भारसम्बन्धी ठेक्काका क्रममा भ्रष्टाचार भएको निष्कर्षसहित अख्तियारले नेपाल टेलिकमकी वर्तमान प्रबन्ध निर्देशक संगीता पहाडी सहित १८ जनाविरुद्ध मुद्दा दायर गरेको हो।
प्रतिवादीहरुमा सुनिल पौडेल, प्रतिभा श्रेष्ठ, हेमप्रभा रामप्रताप कर्ण, नवल चौधरी, राजेन्द्र श्रेष्ठ, झविन्द्रलाल उपाध्याय, देवेन्द्र खतिवडा, बिनिता श्रेष्ठ, अमुल प्रधान, राजीव कुमार केसी, मुक्तिप्रसाद अर्याल, सन्तोष कुमार श्रेष्ठ, परमात्मा भट्टराई, शैलेश श्रेष्ठ रहेका छन् ।
यस्तै विदेशी नागरिक लङ यङ, चिनियाँ नागरिक होङ वी र चिनियाँ कम्पनी एसिया इन्फो प्रालि रहेका छन् । उनीहरू विरूद्ध ३३ करोड ४८ लाख १७ हजार ४३० रुपैयाँ विगो दाबी गरिएको छ ।
