बसको ठक्करबाट मोटरसाइकल चालकको मृत्यु

लेखनाथ, ११ वैशाख (रासस) ः पोखराबाट सुनौलीतर्फ जाँदै गरेको बसले पृथ्वीराजमार्गको बूढीबजारमा मोटरसाईकललाई ठक्कर दिँदा मोटरसाइकल चालकको मृत्यु भएको छ । एउटै दिशाबाट आएको ना २ ख २१६९ नं को बसले ग ६ प ३०२९ को मोटरसाइललाई ठक्कर दिँदा चालक पोखरा –२६ निवासी ३९ वर्षीय टीकाराम तिमिल्सेनाको मृत्यु भएको हो । बसले बाटो उछिन्दै गर्दा आफ्नै दिशामा रहेको मोटरसाइकललाई ठक्कर दिँदा तिमिल्सेना बाटोमा लड्न पुगेका थिए भने उनको उपचारको क्रममा पोखरा स्वाथ्य विज्ञान प्रतिष्ठानमा लैजाँदै गर्दा बाटैमा मृत्यु भएको प्रहरीले जनाएको छ । प्रहरीले बस र बसका चालक रवीन केसीलाई पक्राउ गरी थप अनुसन्धनका लागि जिल्ला प्रहरी कार्यालय कास्कीमा राखेको छ ।