सेनालाई नचिड्याउन विपक्षी नेताको आग्रह


सुडान, १८ वैशाख (रासस÷सिन्ह्वा) : सुडानको प्रमुख विपक्षी दलका प्रमुख नेताले सुडानी सेनालाई नचिड्याउन बुधबार आग्रह गर्नुभएको छ । प्रमुख विपक्षी दल नेशनल उम्मा पार्टीका प्रमुख साद्दिक अल–मेहदीले एएफपीलाई दिएको अन्तर्वातामा यस्तो आग्रह गर्नुभएको हो । सैन्य परिषद्मार्फत सरकारको नेतृत्व गरेको सुडानी सेनासँग अहिले आन्दोलनकारीहरूको तर्फबाट वार्ता भइरहेकाले सेनालाई नचिड्याउन उहाँले अन्तरवार्ताका क्रममा आग्रह गर्नुभएको छ । सुडानको सैन्य परिषद्का विरुद्धमा आन्दोलन चर्किदै गएपछि सैन्य परिषद् आन्दोलनकारीसँग वार्ता गर्न तयार भएपछि वार्ता शुरु भएको छ । सैन्य सरकारलाई नागरिक सरकारमा रूपान्तरण गर्नुपर्ने आन्दोलनकारीको मागमा सैन्य परिषद् सकारात्मक भएपछि वार्ता शुरु भएको हो । सुडानका प्रभावशाली राजनीतिक नेता मेहदीले अहिले सेनालाई चुनौती दिन खोज्नु अझ वातावरण धमिल्याउनु जस्तो हुने तर्क गर्नुभएको छ । सुडानको सेनाले केही समय अगाडि तीन वर्षदेखि शासन गर्दै आउनु भएका तत्कालीन राष्ट्रपति ओमर अल बशिरलाई बर्खास्त गरेर शासन हातमा लिएको छ । गत अप्रिल ११ मा बशिरलाई बर्खास्त गरेपछि सेनाको त्यस कदमका विरुद्धमा सुडानमा आन्दोलन भइरहेको छ । बशिरले पनि जनतालाई सुशासनको प्रत्याभूत गराउन नसकेको, मूल्यवृद्धि रोक्न नसकेको तथा देशमा अत्यधिक भ्रष्टाचार हुँदा पनि यसको नियन्त्रण गर्न असफल भएको भन्दै उहाँका विरुद्ध पनि आन्दोलन हुँदै आएको थियो । त्यही आन्दोलनको जगमा सेनाले उहाँलाई अपदस्थ गरेर सैन्य परिषद् गठन गरेको थियो । तर त्यसका विरुद्धमा पनि आन्दोलन भएपछि अहिले वार्तामार्फत सेना र नागरिक सम्मिलित संयुक्त सरकार बनाउने प्रयास भइरहेको छ ।

प्रतिक्रिया दिनुहोस  
कोर सिटिमा स्थापितको अत्याधीक मत

काठमाडौं । काठमाडौं महानगरको वडा नम्बर २७ को पहिलो मतपरिणाम प्राप्त भएको छ । कोर

५ सय ५५ पालिकाको मत परिणाम सार्वजनिक, कुन दलले कति जिते

काठमाण्डाै : अहिलेसम्म ५ सय ५५ वटा पालिकाको अन्तिम मत परिणाम सार्वजनिक भएको छ ।

काठमाडौं महानगरपालिकाका मेयर उम्मेदवार नेपाली कांग्रेसकी सिर्जना सिंहको ८ न वडामा अग्रता

  काठमाडौं । काठमाडौं महानगरपालिकाका मेयर उम्मेदवार नेपाली कांग्रेसकी सिर्जना सिंहले ८ न वडामा अग्रता

२०७९ जेठ ६ गतेको राशिफल,कुन राशिलाई शुभ– कुनलाई अशुभ ?

मेष–  भोगविलासमा आकर्षण बढ्नेछ । मिठो भोजन मिल्नेछ । वृष– स्वास्थ्यमा सुधार हुनेछ । मुद्दामामिला

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई