शहिदको सपना भनेको निदाएर, घुरेर देखिने सपना होइन : प्रम ओली
काठमाडौं : प्रधानमन्त्री केपी शर्मा ओलीले आफूहरूले देखेको सपना राति देखिने सपना नभएर देश बनाउने सपना भएको बताएनु भएको छ । आर्थिक वर्ष २०७६/०७७ को वार्षिक नीति तथा कार्यक्रममाथि संसद्मा उठेका प्रश्नहरूको जवाफ दिने क्रममा प्रधानमन्त्री ओलीले सो कुरा बताउनु भएको हो ।
उहाले भन्नुभयो यो निदाएको बेला देख्ने सपनाको कुरा गरेको होइन, जागै हुँदा देख्ने सपनाको कुरा गरेको हो, सहिदले देखेको सपना निदाएर, घुरेर देखिदैन । ‘ सहीदको सपना भनेको निदाएर, घुरेर देखिने सपना होइन । शहीदको सपना भनेको कहाँ पुग्ने, के बनाउने आकांक्षा थियो, अठोट थियो, ती उद्देश्य/लक्ष्यलाई सपना भन्ने गरिन्छ ।
