संसदमा कांग्रेसको हंगामा र अवरोध
काठमाडौं : प्रधानमन्त्री केपी शर्मा ओलीले आक्रोश, कुन्ठा र निम्छरो अभिव्यक्तिहरुलाई वास्ता नगरेर प्रश्नहरुको जवाफ दिन्छु भनेपछि संसदमा हंगामा भएको छ ।
प्रमुख विपक्षी दल कांग्रेसका सांसदहरुले संसद अवरोध गरेका थिए । सरकारको नीति तथा कार्यक्रममाथि सांसदहरुले उठाएको प्रश्नमाथि प्रधानमन्त्री ओलीले जवाफ दिएपछि प्रतिपक्षी सांसदहरुले थप प्रश्न गरेका थिए । स्पष्टिकरण रोष्ट्रममा पुगेका प्रधानमन्त्री ओलीले ‘आक्रोश, कुन्ठा र निम्छरो अभिव्यक्ति’ लाई वास्ता नगरी जवाफ दिने भन्दै बोल्न थालेपछी कांग्रेसका सांसदहरुले उठेर विरोध गरेका थिए ।
