बाबुरामको दल छोडेर ठुलो समुह नेकपा प्रवेश गर्दै
२५ वैशाख, काठमाडौं : संघीय समाजवादी फोरमसँग एकता गरेर बाबुराम भट्टराईले समाजवादी पार्टी बनाएपछि तत्कालीन नयाँ शक्तिका केही नेताहरु असन्तुष्ट बनेका छन् ।
असन्तुष्ट नेताहरुले आज काठमाडौंमा भेला गरेका छन्, भेलामा कल्पना धमला, ज्ञानेन्द्र कुमाल ,देवेन्द्र पराजुली, रामरिझन यादव लगायतको नेताहरुको उपस्थिती थियो ।
असन्तुष्ट समूहका केही नेताहरु सत्तारुढ नेकपा प्रवेश गर्ने स्रोतले बताएको छ । स्रोतले अनुसार सम्भवत आज नै नयाँ शक्तिका केही नेताहरुलाई स्वागत गर्ने तयारी छ । तर, को को सहभागी हुँदैछन् भन्ने बारेमा गोप्य राखिएको छ । नेकपानिकट नेताहरूले जनाएअनुसार पूर्वमन्त्री धमलासहितका नेता–कार्यकर्ता नेकपा प्रवेश गर्दैछन् ।
