देउवाद्धारा राष्ट्रपति प्रति आपत्तिजनक अभिव्यक्ती
काठमाडौं, वैशाख २६: प्रमुख प्रतिपक्षी दल नेपाली कांग्रेसका सभापति शेरबहादुर देउवाले राष्ट्रपति विद्यादेवि भण्डारी प्रति लक्षित गर्दै आपत्तिजनक अभिव्यक्ती दिएका छन।
वैशाख २० गते सरकारको तर्फबाट राष्ट्रपति भण्डारीले नीति तथा कार्यक्रम प्रस्तुत गर्दा प्रयोग गरिएको “मेरो सरकार” भन्ने शब्दावली प्रति कटाक्ष गर्दै सभापति देउवाले भने “अस्ति मेरो सरकार भनिन्। अहिले यिनलाई बेलायती महारानी जस्तो किन बन्नु पर्यो? शासन व्यवस्था थाहा छैन कि क्या हो?”
अघिल्लोपटक नीति कार्यक्रम प्रस्तुत गर्दा “मेरो सरकार” भन्ने शब्दावली प्रयोग नभएको प्रसंग उठाउँदै सभापति देउवाले भने “रामवरणले नीति कार्यक्रम प्रस्तुत गर्दा मेरो सरकार भनेका थिएनन्, उनले पनि अघिल्लो पटक मेरो सरकार भनेकी थिइनन्, पहिला राजाको पालामा हिज म्याजेस्टी गभर्मेन्ट भने जस्तै अहिले हर म्याजेस्टी विद्या भण्डारी गभर्मेन्ट भन्नुपर्ने?”
देउवाले राष्ट्रपति भण्डारी बेलायती महारानी भन्दा भन्दा बढ्ता भएको समेत उल्लेख गरे। उनले भने “राष्ट्रपति भण्डारी बेलायती महारानी भन्दा बढ्ता भइन्!”
पार्टीले आयोजना गरेको एक महिने जागरण अभियानको काठमाडौंमा शुभारम्भ गर्दै पुर्व प्रधानमन्त्री देउवाले उक्त टिप्पणी गरेको हुन।
