मन्त्री यादवमाथि मन्त्रालयमै कुटपिटको प्रयास
१ जेठ, काठमाडौं : सरुवाको विषयलाई लिएर विवाद हुँदा उद्योगमन्त्री मातृका यादवको कार्यकक्षमा नेपाली कांग्रेस निकट कर्मचारी संघका नेताहरुले कुटपिटको प्रयास गरेका छन् ।
उनीहरुले शुरुमा निजी सचिव प्रेम आचार्यसँग विवाद गरेका थिए । कांग्रेस निकट कर्मचारी युनियनका उपाध्यक्ष सुरेन्द्र भण्डारीको नेतृत्वमा हुलहुज्जत भएको मन्त्रालयले जनाएको छ ।
उनीहरुले कांग्रेस निकट कर्मचारी युनियनका नेता शोभाकर रेग्मीलाई उद्योग विभागमा सरुवा नगरेको भन्दै मन्त्रीमाथि समेत दुर्व्यबहार गरेका बताइएको छ । मन्त्रालयका कर्माचारीले प्रहरी बोलाए पछी कर्मचारी नेताहरु भागेको बताइएको छ ।
