प्रम ओलीद्धारा भारतीय प्रम मोदीलाई बधाई, आगामी दिन अझै नजिक रहेर कामगर्न इच्छुक रहेको विचार व्यक्त
काठमाडौं : भारतीय लोकसभाको मतगणना हुँदै गर्दा प्रधानमन्त्री केपी शर्मा ओलीले समकक्षी नरेन्द्र मोदीलाई ट्वीटर मार्फत बधाई दिनु भएको छ ।
प्रधानमन्त्री ओलीले ट्विटरमार्फत् भन्नुभएको छ ‘लोकसभा निर्वाचन २०१९ मा विशाल चुनावी जितका लागि म प्रधानमन्त्री नरेन्द्र मोदीलाई न्यानो बधाई दिन्छु, यो जितसँगै सफलताको शुभकामना व्यक्त गर्दछु। आगामी दिन अझै नजिक रहेर कामगर्न इच्छुक रहेको पनि अवगत गराउँछु।’
भारतमा जारी लोकसभा निर्वाचनको मतगणनामा ताजा अवस्थामा सत्तारुढ दल भारतीय जनता पार्टीले ३५१ सिटमा अगाडि छ भने प्रमुख प्रतिपक्षी दल कांग्रेसको गठबन्धन ९१ सिटमा अगाडि रहेको छ । कुल ५४२ सिटमा बहुमतको लागि २७२ सिटको आवश्यकता पर्छ ।
