प्रधानमन्त्री तथा मन्त्रिपरिषद्को कार्यालयमा एक्सन रुमको शुभारम्भ


काठमाडौँ, १५ जेठ (रासस) : प्रधानमन्त्री तथा मन्त्रिपरिषद्को कार्यालयमा तत्काल समस्या समाधान कक्ष (एक्सन रुम) को शुभारम्भ भएको छ । कक्षको प्रधानमन्त्री केपी शर्मा ओलीले आज सात प्रदेशका मुख्यमन्त्री एवं मन्त्रीसँग भिडियो संवाद गरी शुरुआत गर्नुभयो । मुख्यमन्त्री एवं मन्त्रीले सम्बन्धित प्रदेशको आफ्नै कक्षबाट भिडियो संवाद गर्नुभएको कार्यालयका उपसचिव विष्णुप्रसाद घिमिरेले जानकारी दिनुभयो । प्रधानमन्त्री ओलीले आजको कुराकानीमा गणतन्त्र दिवसको शुभकामना दिनुका साथै आजै सार्वजनिक हुने आगामी आर्थिक वर्षको बजेटका बारेमा कुराकानी गर्नुभएको थियो । कक्षका माध्यमबाट राष्ट्रिय गौरवका विकास आयोजनाको आवश्यकताअनुसार वास्तविक समय अनलाइन अनुगमन प्रणाली शुरु गरिने जनाइएको छ । पहिलो चरणमा मेलम्ची, माथिल्लो तामाकोशी, पोखरा र भैरहवा अन्तर्राष्ट्रिय विमानस्थल, सिक्टा, भेरी बबईलगायत सिँचाइ आयोजनाको अनुगमन गरिनेछ । कक्षमा पूर्ण हाइडेफिनेसन गुणस्तरसहितको ७० इञ्चको ‘डिस्प्ले’, ‘स्पीकर ट्रयाकिङ’, ‘अटोफोकस’सहितको उपकरण जडान गरिएको छ । प्रधानमन्त्रीले सातै प्रदेशका मुख्यमन्त्रीसँग राज्य सञ्चालनसम्बन्धी विभिन्न विषयमा प्रत्यक्ष संवाद गर्ने, विकास निर्माण आयोजनाको प्रगति तथा विपद् व्यवस्थापनसम्बन्धी काममा तत्काल राहत र उद्धार गर्न सकिने प्रणाली स्थापना गरिएको उपसचिव घिमिरेले बताउनुभयो ।

प्रतिक्रिया दिनुहोस  
लामिछानेविरुद्धको मुद्दामा सुनुवाइ गर्न पेसी तोकियो

  काठमाडौँ–क्रिकेटर सन्दीप लामिछाने विरुद्धको जबरजस्ती करणीको मुद्दामा आज सुनुवाइ हुँदैछ । जिल्ला अदालत काठमाडौँमा

बाग्मती प्रदेशको प्रथम अधिवेशन–अध्यक्ष ओलीले भृकुटीमण्डपमा भव्य समारोहबीच उद्घाटन गर्नुहुने, अधिवेशनमा ७७ लाख रुपियाँ खर्च लाग्ने

  काठमाडौं । नेपाल कम्युनिस्ट पार्टी (एमाले) बागमती प्रदेश कमिटीको प्रथम अधिवेशनको तयारी पूरा भएको

नेता र पार्टीका नाममा खाेलिएका फेक एकाउण्ट बन्द गर्न एमालेकाे १५ दिने अल्टिमेटम, बन्द नगरिए कानुनी प्रक्रियामा जाने

काठमाडौं । नेकपा एमालेले पार्टीको नेताहरुका नाममा चलाइएका सामाजिक सञ्जालका फेक अकाउन्ट १५ दिनभित्र बन्द

एमाले उपाध्यक्ष विष्णुप्रसाद पौडेलको यस्तो आयो स्टाटस

नेकपा (एमाले)का उपाध्यक्ष विष्णुप्रसाद पौडेलले सरकार र आन्दोलनका प्रतिनिधिहरू बीच अविलम्ब वार्ता हुनुपर्ने बताउनु भएको

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई