ख्याल ख्याल छैन, नयाँ पार्टी खोल्न र चलाउन !


  • केशवप्रसाद भट्टराई
त्यसैले ख्याल ख्याल छैन, नयाँ पार्टी खोल्न र चलाउन !
कसो माधव नेपालजी ?
१. तीस वर्ष सम्म पंचायतमा बसेर राजनीति गरेका हौँ भन्ने पंचहरूको राष्ट्रव्यापी सम्पर्क थियो I
विदेशमा पनि बलियो आड थियो
शिक्षा र अनुभवमा उत्कृष्ट थिए, भन्न सकिन्छ I
शिक्षा, ज्ञान, अनुभव ,योग्यता र कार्यक्षमतामा काङ्ग्रेस र कम्युनिस्टका कुनै नेता भन्दा कम छैनन्, राप्रपाका नेताहरू !
सम्पत्तिको पनि कमी थिएन I
तर जव निष्ठाको कुरा आउँछ ???
त्यसैले पार्टी ?
भन्नै पर्दैन !
२. वामदेव गौत्तम, सीपी मैनाली , राधाकृष्ण मैनाली, देवी ओझा देखि घनश्याम भुसाल र योगेश भट्टराईहरू के कुरामा कम थिए ?
नयाँ पार्टी खोले , हालत दुनियाँ सामू छर्लङ्ग भयो !
कोही पुरानैमा फर्किए , फर्किएकाहरू कोही बोकेरै बसेका छन् I
नफर्किएका कोही युट्युबरको अन्तर्वार्तामा राजनीति धानिरहेका छन् I
३. नयाँ पार्टी शेर बहादुरजीले पनि चलाउनु भयो ,
रामचन्द्रजीले उकास्नसम्म उकास्नु भयो देउवाजीलाई नयाँ पार्टी खोल्न !
उहाँ नयाँ पार्टीको अध्यक्ष हुन जमजमाएर बस्नुभएको थियो I
अन्तर्राष्ट्रिय सम्मेलन केन्द्रमा रामचन्द्र पौडेल घरबाट हिड्नु भयो, आउँदै हुनुहुन्छ , केही मिनेटमा सभास्थलमा प्रवेश गर्दै हुनुहुन्छ भनेर रनिङ् कमेन्ट्री चलिरहेको थियो I
सम्मेलन केन्द्रतिर जान उहाँको गाडी के लागेको थियो, गिरिजाबाबुको फोन आयो I
रामचन्द्रजी गिरिजाबाबुको निवाश महाराजगंज तर्फ मोडिनु भयो !
ऊता अन्तर्राष्ट्रिय सम्मेलन केन्द्रमा रामचन्द्रजी केही मिनेट भित्र आउने रनिङ् कमेन्ट्री आइरह्यो !
तर रामचन्द्रजी गिरिजाबाबुसँगको केही समयको खुसुरपुसुरपछि बोहोराटार नै फर्किनु भयो I
अन्त्यमा शेर बहादुरजीले नै सभापति सम्हाल्नु भयो नेपाली काङ्ग्रेस प्रजातान्त्रिकको !
एकसे एक मानिस थिए नयाँ काङ्ग्रेसमा I
पैसा पनि थियो I
तर देउवाजीले पनि धान्न सक्नुभएन,
पार्टीको घरभाडा र कर्मचारी तलब धान्न पनि हम्मेहम्मे पर्यो !
अनि फर्किनु भयो पुरानैमा , ४० प्रतिशतको भाग उठाउन !
४. धेरै भएको छैन, तामझामका साथ डा. बाबुराम भट्टराईले नयाँ पार्टी खोल्नुभएको !
ठूलो घमण्ड थियो, उहाँलाई आफ्नो नाऊमा र पूर्व प्रधानमन्त्रीको पहिचानमा र वाह्य शक्तिको आडमा I
तर आफ्नै ग्रिह जिल्लामा आफैँलाई एक सिट जित्न पनि काङ्ग्रेसको समर्थन चाहियो I
अहिले उपेन्द्र यादवको सरणमा हुनुहुन्छ !
र त्यहीं भित्रको अन्तरविरोधमा खेलेर र अन्तरविरोध चर्काएर राजनीति धानिरहनु भएको छ I
५. नेमकिपा,विवेकशील साझा, नयाँ शक्ति, नेपालका लागि नेपाली,जरोकिलो, लगायत धेरै पार्टी छन् ,
ती मध्ये विवेकशील साझाले मुलुकमा आफ्नो उपस्थितिसम्म जताउन सकेको छ I
नेमकिपा भक्तपुरको एउटा सानो भूभागमा सीमित छ I
चित्र बहादुरजीको जनमोर्चाले एमालेको समर्थनमा संसदमा एक सिट पाएको छ I
युट्युब र मिडियाले धानिदिएको जीवनमा सीमित छ- धेरैको अस्तित्व I
६. दुइटा प्रजातन्त्रवादी पार्टी — एउटा मध्यमार्गी र एउटा संवर्द्धनवादी अर्थात् कन्सर्भेटिभ चलनचल्तीको भाषामा कन्जरभेटिभ पार्टी भए पुग्छ हामीलाई I
अनि दुइटा कम्युनिस्ट पार्टी –एउटा क्रान्तिकारी धारको र एउटा एमाले जस्तो मध्यमार्गी धारको !
अनि नभई नभए एउटा समाजवादी !
त्यो भन्दा बढी चाहिन्न !
कथित ठूलो आन्दोलन र बलिदान पछि अस्तित्वमा आएका मधेश केन्द्रित दलहरूले भन्दा मधेशमा काङ्ग्रेस र कम्युनिस्ट दलहरूले धेरै जनमत ल्याएका कुरा गत निर्वाचन परिणामले भन्दछ I
७. त्यसैले ख्याल ख्याल छैन, नयाँ पार्टी खोल्न र चलाउन !
कसो माधव नेपालजी ?
वामदेव गौत्तम, सीपी मैनाली , राधाकृष्ण मैनाली, देवी ओझाहरू योग्यता-क्षमता, सङ्घर्ष, त्याग, बलिदानमा के कम छन् र तपाइँ भन्दा ?
एउटा श्लोक छ संस्कृतमा —
“स्थान भ्रष्टा नशोभन्ते दन्ता: केशा: नखा: नरा:”
अर्थ र आशय हो — नङ्, कपाल र दाँत शरीरबाट अलग भए पछि जसरी त्यो अपवित्र र अर्थहीन हुन पुग्दछ,
अशोभनीय बन्न पुग्दछ I
आफ्नो स्थानबाट च्युत भएको मानिस पनि त्यस्तै हुन्छ I
चाहे काङ्ग्रेसका हुन् चाहे कम्युनिस्टका वा राप्रपा र विवेकशील साझाका त्यहाँ भित्र विरोध गर्ने, लड्ने, जुध्ने सवै गर्न सकिन्छ,
निष्कृय हुन सकिन्छ तर पार्टी हित विरूद्ध उभिने अधिकार दिने पार्टी र अधिकार दावी गर्ने नेता निष्ठामा बाँचेकाहरूका माझ राजनीतिक, नैतिक र सांस्कृतिक आधारमा असत्तीहरू हुन् !
त्यस्तो अधिकार दिने पार्टी र अधिकार दावी गर्ने नेता दुवै, अपराधी हुन् !
शिक्षा, सम्पत्ति, पद, अनुभव, आड, बंशले सघाउ पुर्याउला,
तर निष्ठा– सिद्धान्त निष्ठा, पार्टी निष्ठा, राष्ट्र निष्ठा र धर्म र संस्कृति प्रतिको निष्ठा भन्दा माथि कसैको व्यक्तित्व किमार्थ हुन सक्दैन !
त्यस्तो निष्ठा भन्दा माथि कसैको व्यक्तित्वनिर्माण हुनै सक्दैन I
निन्दा, घृणा, हिंसा, झूठ,भ्रम र नकारात्मकताको बलमा पनि स्थायी राजनीतिक शक्ति निर्माण हुन सक्ला र ?
प्रतिक्रिया दिनुहोस  
एमाले बैठक : प्रतिवेदनमा सुझावका लागि समूह विभाजन   

काठमाडौँ, ८ असोज : नेकपा (एमाले)को जारी केन्दीय कमिटी बैठकमा प्रस्तुत राजनीतिक, साङ्गठनिक र विधान

  भारतमा थप ३१ हजार नयाँ सङ्क्रमित

नयाँ दिल्ली, ८ असोज (रासस÷एएनआई) भारतमा कोरोनाभाइरसबाट थप ३१ हजार ३८२ जना नयाँ सङ्क्रमित फेला

भारतीय प्रधानमन्त्री मोदी र जापानी प्रधानमन्त्री सुगा बीच वार्ता   

अमेरिका, असोज ८ (रासस-एएनआई): भारतका प्रधानमन्त्री नरेन्द्र मोदी र जापानी समकक्षी योशिहिदे सुगाले दुई बीचको

खोप नलगाएका शिक्षकलाई विद्यालयमा प्रतिबन्ध   

तेल अभिभ, ८ असोज (रासस÷सिन्ह्वा) इजरायलमा कोरोनाभाइरस विरुद्धको खोप नलगाएका शिक्षकहरूलाई विद्यालय आउन नदिइने भएको

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई