तालिवानको मन्त्रिपरिषदलाई अमेरिकाले भन्यो, ‘ठग र कसाईको समूह’


एजेन्सी
काबुल, २३ भदौ
अमेरिकाले तालिवानको नयाँ सरकारप्रति चासो देखाएको छ । तालिवानले अमेरिकी सेनालाई आक्रमणको निशाना बनाएका व्यक्तिलाइ मन्त्रिपरिषदको सदस्य बनाएपछि वासिंगटनले चासो देखाएको हो ।

अन्तरिम सरकारको नेतृत्व गर्ने मुल्लाह मोहमद हसन अखुन्द अमेरिकाको कालो सूचीमा छन् । त्यस्तै, तालिवान सरकारका नवनियुक्त गृहमन्त्री सिराजुद्दिन हक्कानी पनि अमेरिकी गुप्तचर संस्था एफबीआईको मस्ट वान्टेड सूचीमा राखिएका व्यक्ति हुन् । उनी कुख्यात अतिवादी सञ्जाल हक्कानी नेटवर्कका प्रमुख समेत हुन् ।

अमेरिकी सिनेटर लिन्डसे ग्राहमले नयाँ मन्त्रीपरिषद ‘ठग र कसाईको समूह’ भनेका छन् । अमेरिकी राष्ट्रपति जो बाइडेन प्रशासनको अफगानिस्तानबाट अमेरिकी सेना फिर्ता गर्ने निर्णयको सिनेटर लिन्डसेले बिराध गर्दै आएका थिए ।

अमेरिकी विदेश मन्त्रालयले तालिवान सरकारालाई चासोपूर्वक निहालेको जनाएको छ । एक विज्ञप्तिमा अमेरिकी विदेशमन्त्रालयले भनेको छ, ‘घोषित मन्त्रिपरिषदमा महिलाबाहेक तालिवान नेता र उनका सहयोगी मात्र छन् । केही व्यक्तिको अतिवादी समूहसँगको आबद्धता र उनीहरुको विगतको रेकर्डप्रति हाम्रो चासो छ ।

अफगानिस्तानमा भएका विदेशीलाई स्वदेश फर्किन सहज वातावरण बनाउने आफ्ना प्रतिबद्धता कायमै राख्न मन्त्रालयले तालिवानसँग अनुरोध गरेको छ ।  ‘हामी अफगान भूमिलाई अन्य देशबिरुद्ध प्रयोग गर्न मानवीय सहायता अनुमति दिने अपेक्षा गर्छौ । विश्वले तालिवानलाई नजिकबाट अवलोकन गरिरहेको छ ।’ मन्त्रालयले भनेको छ ।

मंगलबार साँझ तालिवानहरुले नयाँ सरकार घोषणा गरेका थिए । तालिवानले मुल्लाह मोहम्मद हसन अखुन्दको नेतृत्वमा अन्तरिम सरकार घोषणा गरेको थियो । नयाँ मन्त्रिपरिषदमा  सिराजुद्दिन हक्कानी कार्यबहाक गृहमन्त्री छन् । उनी  हक्कानी सञ्जालका प्रमुख समेत हुन्। अमेरिकाले उनको टाउकोको मूल्य ५० लाख डलर तोकेको थियो ।  सिराजुद्दिन  र उनका बाबुले सन् २००८ मा काबुलस्थित भारतीय दूतावासमा पनि आक्रमण गरेका थिए। सो हमलामा  ५८ जना मारिएका थिए।

प्रतिक्रिया दिनुहोस  
एमाले बैठक : प्रतिवेदनमा सुझावका लागि समूह विभाजन   

काठमाडौँ, ८ असोज : नेकपा (एमाले)को जारी केन्दीय कमिटी बैठकमा प्रस्तुत राजनीतिक, साङ्गठनिक र विधान

  भारतमा थप ३१ हजार नयाँ सङ्क्रमित

नयाँ दिल्ली, ८ असोज (रासस÷एएनआई) भारतमा कोरोनाभाइरसबाट थप ३१ हजार ३८२ जना नयाँ सङ्क्रमित फेला

भारतीय प्रधानमन्त्री मोदी र जापानी प्रधानमन्त्री सुगा बीच वार्ता   

अमेरिका, असोज ८ (रासस-एएनआई): भारतका प्रधानमन्त्री नरेन्द्र मोदी र जापानी समकक्षी योशिहिदे सुगाले दुई बीचको

खोप नलगाएका शिक्षकलाई विद्यालयमा प्रतिबन्ध   

तेल अभिभ, ८ असोज (रासस÷सिन्ह्वा) इजरायलमा कोरोनाभाइरस विरुद्धको खोप नलगाएका शिक्षकहरूलाई विद्यालय आउन नदिइने भएको

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई