मालपोत कार्यालयमा आगलागी, क्षतिको विवरण आउँन बाँकी
जिल्ला सदरमुकाम तौलिहवास्थित भूमिसुधार तथा मालपोत कार्यालयमा आज बिहान आगलागी भएको छ । स्थानिय प्रहरीको प्रारम्भिक अनुमान अनुसार आगलागीबाट रु नौ लाखभन्दा बढीको क्षति भएको छ भने क्षतिको पुर्ण विवरण आउँन बाँकी रहेको छ। कार्यालयको माथिल्लो तल्लामा रहेको कार्यालय प्रमुखको कार्यकक्षमा भएको आगलागीबाट कम्प्युटर, प्रिन्टर मेसिन, फोटोकपी मेसिन र फर्निचर पूर्णरुपमा जलेर नष्ट भएको बताइएको छ ।
विद्युत् सर्ट भएर आगलागी भएको प्रहरीको प्रारम्भिक अनुसन्धानले बताएको छ । कपिलवस्तु नगरपालिकाको दमकल र स्थानीयको सहयोगमा आगो नियन्त्रणमा आएको छ