अवैध लागूऔषध सहित पक्राउ


 

काठमाडौं, दक्षिणकाली नगरपालिका-५ फर्पिङ चेकपोष्टबाट नियन्त्रित लागूऔषध ४ सय १ एम्पुल डाईजेपाम, ४ सय १ एम्पुल नुर्फिन र ४ सय ३ एम्पुल फेनारगन सहित भक्तपुर सूर्यविनायक नगरपालिका-४ दधिकोट बस्ने ३० वर्षीय रोहन खड्कालाई शुक्रबार दिउँसो प्रहरीले पक्राउ गरेको छ । वीरगंजबाट काठमाडौं आउदै गरेको ना.१ ज ७३८१ नम्बरको टाटा सुमोलाई ईलाका प्रहरी कार्यालय फर्पिङबाट खटिएको प्रहरीले जाँच गर्ने क्रममा सुमोमा सवार रोहनलाई उक्त लागूऔषध सहित फेला पारी पक्राउ  गरेको हो ।

पर्सा, वीरगंज महानगरपालिका-१६ रजयन्ती चोकबाट करिब १ ग्राम अवैध लागूऔषध ब्राउनसुगर र १ बोतल कोरेक्स सहित सोही महानगरपालिका-२४ रामगढवा बस्ने २० वर्षीय राजन कुमार चौरसियालाई शुक्रबार राति प्रहरीले पक्राउ गरेको छ । जिल्ला प्रहरी कार्यालय पर्साबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो ।

मोरङ, केराबारी गाउँपालिका-१० बगैचा टोलबाट करिब १ केजी अवैध लागूऔषध गाँजा सहित पथरी शनिश्चरे नगरपालिका-४ घर बताउने २४ वर्षीय दिपक दर्नाललाई शुक्रबार साँझ प्रहरीले पक्राउ गरेको छ । ईलाका प्रहरी कार्यालय केराबारीबाट खटिएको प्रहरीले उनलाई उक्त गाँजा सहित फेला पारी पक्राउ गरेको हो ।

सप्तरी, हनुमाननगर कंकालिनि नगरपालिका-४ मधुवापुर बस्ने महेन्द्र साफिको गोठ घरबाट करिब १ केजी ४ सय ग्राम अवैध लागूऔषध गाँजा शुक्रबार दिउँसो प्रहरीले बरामद गरेको छ । उनको गोठ घरमा गाँजा लुकाई राखेको भन्ने सूचनाको आधारमा  ईलाका प्रहरी कार्यालय भारदहबाट खटिएको प्रहरीले गोठ घर तलासी गर्दा उक्त परिमाणको गाँजा फेला पारी बरामद गरेको हो । हाल फरार महेन्द्रको प्रहरीले खोजी गरिरहेको छ ।

बारा, जितपुरसिमरा उपमहानगरपालिका-७ टेढारोड स्थित अटोरिक्सा पार्क छेउबाट वेवारिसे अवस्थामा रहेको करिब १० केजी अवैध लागूऔषध गाँजा शुक्रबार दिउँसो प्रहरीले बरामद गरेको छ । ईलाका प्रहरी कार्यालय जितपुरबाट खटिएको प्रहरीले उक्त गाँजा फेला पारी बरामद गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।

प्रतिक्रिया दिनुहोस  
परराष्ट्र मन्त्री पौड्याल र श्रीलंकाका प्रधानमन्त्री गुणबद्र्धने विच भेटवार्ता

काठमाडौ/माघ २१ परराष्ट्रमन्त्री डा बिमला राई पौड्यालले श्रील.काका प्रधानमन्त्री दिनेश गुणबद्र्धनेसँग शिष्टाचार भेट गर्नुभएको छ

राष्ट्रिय स्वतन्त्र पार्टीको निर्णयक बैठक शुरु हुनु भन्दा अगाडि अध्यक्ष रवी लामिछानेको यस्तो आयो ट्विट

  राष्ट्रिय स्वतन्त्र पार्टीको केन्द्रीय समिति बैठक सुरु भएको छ । केहीबेर अघि राजधानीस्थित पार्टी

कांग्रेस संसदीय दल कार्यसमितिको बैठक आज बस्ने

काठमाडौँ । कांग्रेस संसदीय दल कार्य समितिको बैठक आज बस्दैछ । आज विहान ९ बजे 

अनेरास्ववियुको निर्वाचनमा भोटिङ मेसिनको प्रयोग हुने

काठमाडौं, १९ माघ : नेकपा (एमाले) निकट अनेरास्ववियुको २३औँ राष्ट्रिय महाधिवेशनबाट नयाँ नेतृत्व चयन गर्नका

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई