प्रधानमन्त्री देउवा र एमाले अध्यक्ष ओलीबीच यस्तो भयो कुराकानी
काठमाडौं, फागुन ६ गते : प्रधानमन्त्री शेरबहादुर देउवा र प्रमुख प्रतिपक्षी दल नेकपा (एमाले) अध्यक्ष केपी शर्मा ओलीबीच भेटवार्ता भएको छ ।
हिजो राति प्रधानमन्त्री देउवा अध्यक्ष ओलीलाई भेट्न डा. आरजु राणा देउवाका साथ बालकोट पुग्नु भएको थियो ।
देउवा ओली भेट्न राति ८ बजेर ५० मिनेटमा ओली निवास बालकोट पुग्नुभएको थियो भने १०ः १५ मा फर्किँदा समग्र एमसीसी र अन्य रणनीतिका विषयमा छलफल भएको बुझिएको छ ।
यसअघि सत्ता गठबन्धनका दलहरुबीच प्रधानमन्त्री निवास बालुवाटारमा अमेरिकी आर्थिक सहायता मिलिनियम च्यालेन्ज कर्पोरेसन (एमसीसी) सम्बन्धमा छलफल भएको थियो । सत्ता गठबन्धनको बैठक भोलि शुक्रबार बिहान १० बजे पुनः बस्दैछ ।
ओलीले भेटघाटको सम्वन्धमा कुनै प्रतिक्रिया दिनु भएको छैन । ओलीको सचिवालयले देउवासँग भेटवार्ता भएको तर मिडियासँग बोल्ने कुनै विषय नभएको बताएको छ ।
