युक्रेनमाथि रुसको आक्रमणको विरोध गर्ने देशहरुलाई पुटिन दिए कडा चेतावनी
काठमाडौं फागुन २१ : युक्रेनमाथि रुसको आक्रमणको विरोध गर्ने देशहरुलाई रुसका राष्ट्रपति भ्लादमिर पुटिनले चेतावनी दिनु भएको छ। उहाँले रुसमाथि थप प्रतिबन्धहरु लगाएर स्थितिलाई अरु खराब नगर्न अमेरिका सहितका पश्चिमा देशहरुलाई चेतावनी दिनु भएको हो ।
यो टिप्पणी त्यतिबेला आएको हो जतिबेला पुटिन एक सरकारी बैठकलाई सम्बोधन गरिरहेका थिए । जसलाई रूसको सरकारी टेलिभिजन रोसया २४ मा प्रत्यक्षप्रसारण गरिरहेको थियो ।
सम्बोधनमा पुटिलले दाबी गर्नुभयो ‘छिमेकीविरुद्ध हाम्रो कुनै गलत मनसाय छैन ।’ उहाँले दुई देशबीचको सम्बन्धलाई थप खराब गर्ने गरि युक्रेनले कुनै कदम अघि नबढाउनेमा आफूहरु विश्वस्त रहेको बताउनुभयो ।
उहाले भन्नुभयो, ‘मलाई लाग्छ सबैले अब यस बारेमा सोच्न आवश्यक छ कि सम्बन्ध सामान्य कसरी हुने छ, सामान्य रुपमा एक अर्काको मद्दत रहोस् र सम्बन्धमा सुधार आओस् ।’
रुसी सेनाको कारबाही रुसविरुद्धको केही कारबाहीको जवाफ भएको पुटिनले बताउनु भयो ।
