प्रचण्ड कम्युनिष्ट भए म कम्युनिष्ट होइन: एमाले अध्यक्ष ओली
काठमाडौं चैत्र २१ : नेकपा एमालेका अध्यक्ष केपी शर्मा ओलीले माओवादी केन्द्रका अध्यक्ष पुष्पकमल दाहाल ‘प्रचण्ड’ कम्युनिष्ट भए आफू कम्युनिष्ट हुनै नसक्ने बताउनु भएको छ ।
प्रोग्रेसिभ इन्जिनियरिङ एसोसिएसनको सम्मेलनलाई सम्बोधन गर्दै आज ओलीले उक्त कुरा बताउनु भएको हो । ओलिले भन्नुभयो ‘नबुझेर मान्छेहरुले म त वामपन्थी हुन सक्दिन भन्छन् । वामपन्थी भनेको उसले बुझेकै छैन,अलिकति के भो भने वामपन्थी भनेको मान्छेहरुले प्रचण्ड सम्झन्छन् । अनि कसरी हुन्छ ? हुने कुरै रहेन नी !’
आफु र प्रचण्ड दुवै कम्युनिस्ट हुनै नसक्ने भन्दै त्यो सम्भव नै नभएको बताउनु भयो । ओलीले भन्नुभयो, ‘ प्रचण्ड देशमा द्वन्द्व मच्चाउनुहुन्छ म शान्तिको पक्षमा छु । उहाँ जात–जातमा भिडाउन खोज्नुहुन्छ, मान्छेलाई म मिलाउन खोज्छु । उहाँ मधेस र पहाडको लडाई गराउन खोज्नुहुन्छ म शान्ति कायम गरेर मेलमिलापसँग अघि बढ्नुपर्छ, सबैलाई समान अधिकार दिनुपर्छ भन्छु।
