सट्टाबाजीमा संलग्न रहेको अभियोगमा २ जना पक्राउ
मोरङ, सट्टाबाजीमा संलग्न रहेको अभियोगमा विराटनगर महानगरपालिका-६ बस्ने ४२ वर्षीय सचिन कुमार साह र सोही महानगरपालिका-९ बस्ने ४४ वर्षीय भुपेन्द्र कुमार साहलाई बुधबार बेलुकी प्रहरीले पक्राउ गरेको छ । भारतमा भइरहेको इण्डियन प्रिमियर लिग क्रिकेटको सट्टावाजी खेल खेलाउने सचिन र खेल खेल्ने भुपेन्द्रलाई नगद २८ हजार ३ सय २५ रुपैयाँ, २ थान मोबाइल र २ थान विभिन्न बैंकको चेक सहित प्रहरीले पक्राउ गरेको हो ।
उनीहरू उपर सट्टाबाजी कसूरमा जिल्ला अदालत मोरङबाट ५ दिन म्याद थप अनुमति प्राप्त गरी प्रहरीबाट थप अनुसन्धान भइरहेको छ ।
