एमालेलाई जिताऔं : उपाध्यक्ष पौडेल


बुटवल । नेकपा एमाले उपाध्यक्ष विष्णु पौडेलले व्यक्तिको अनुशाशनसंगै राष्ट्रको विकास र संवृद्धिकालागि खेल आवश्यक रहेको बताउनु भएकाे छ ।

मदन भण्डारी स्पोर्टस एकेडेमीले बुटवलमा आयोजना गरेको खेलाडी र पूर्व खेलमन्त्रीबीचको छलफल कार्यक्रममा बोल्दै उहाँले अस्थीर राजनीतिका कारण देशले खेलकुदको भरपुर विकास गर्न नसकेको बताउदै स्थीर राजनीति र सरकारका लागि एमालेलाई जिताउन आग्रह गर्नुभयाे ।
कार्यक्रममा बोल्दै उपाध्यक्ष पौडेलले एमाले नेतृत्वको सरकारले खेलकुदको विकास, खेलाडीको व्यवसायिकता र खेल पूर्वाधार निर्माणमा महत्वपूर्ण काम गरेको सम्झीनुभयाे । ७ वटै प्रदेशमा स्पोर्टस एकेडेमी स्थापनादेखि खेलकुद पूर्वाधार विकासमा एमाले सरकारले सुरु गरेका खेलकुदका महत्वपूर्ण काम पूरा गर्न र संस्थागत गर्न पनि एमालेलाई जिताउन आवश्यक रहेको उहाँले जनाउनुभयाे । ‘मदन भण्डारीको विचार जनजनमा पुर्याउदै खेलको विकासमा एकेडेमीको ठूलो महत्व छ । तपाईहरु पनि एमालेलाई जिताउन लाग्नुस् । खेलकुदको विकास मिलेर गरौंला ।’ उहाँले भन्नुभयाे ।
पूर्व युवा तथा खेलकुद मन्त्रीमेत रहेका पौडेलले अस्थीर राजनीतिका कारण खेल क्षेत्रमा भएको क्षती परिपूर्ति मदन भण्डारी एकेडेमीले गरेको बताउनुभयाे । खेलकुदलाई खेलाडीमात्रका लागि नभइ आम नागरिकको स्वास्थ्य , मनोरन्जन र विकाससंग जोड्न पनि उहाँले आग्रह गर्नुभयाे । सबैकालागि खेल आवश्यक रहेको बताउदै उनले स्थानीय स्रोत साधनको प्रयोग गरेर चुनावमा एमालेको जीतसंगै खेलकुदको विकासमा युवा जोस र जा“गर लगाउनुपर्ने बताउनुभयाे । खेलकुदको विकाससंगै जनताको बहुदलिय जनवादलाई नागरिकमाझ पुर्याउन स्पोर्टस एकेडेमीले ठूलो भूमिका खेलेको भन्दै प्रसंशा पनि गर्नुभयाे ।
एकेडेमीका अध्यक्ष ध्रुव आचार्यले एकेडेमीको प्रदेश, जिल्ला हुदै ७ सय ५३ वटै स्थानीय तहमा कमिटी गठन भइरहेको बताउनुभयाे । पालिकास्तरदेखि नयाँ खेलाडी उत्पादन गर्ने, खेलकुदमा लागेकालाई प्रशिक्षीत गरेर सबल बनाउने र सबललाई व्यवसायिक बनाउन आफूहरु लागेको बताउदै उहाँले मदनको विचार स्थापित गर्न पनि एमालेलाई जिताउन लाग्ने बताउनुभयाे ।
एकेडेमीका क्रिकेट विभाग प्रमुख शक्ति गौचनले युवा जोस र जागरलाई खेलकुदमा लगाएर मदनको विचार मान्ने अनुशाशित युवा उत्पादन र देशमा संवृद्धिमा जुटेको चर्चा गर्नुभयाे ।

प्रतिक्रिया दिनुहोस  
महोत्तरी १ बाट एमालेका लक्ष्मी महतो विजय

नेकपा माओवादी केन्द्रका उपमहासचिव गिरिराजमणि पोखरेललाई हराएर महोत्तरी १ मा नेकपा एमालेका लक्ष्मी महतो विजय

एमाले कार्यकर्तालाई अध्यक्ष ओलीको आयो यस्तो निर्देशन

काठमाडौं – नेकपा एमालेका अध्यक्ष केपी शर्मा ओलीले गठबन्धनमा रहेका कतिपय दलको ३ प्रतिशत मत

रुपन्देही २ बाट एमाले उपाध्यक्ष विष्णु पौडेल विजयी

नेकपा एमालेका उपाध्यक्ष विष्णु पौडेल रुपन्देही क्षेत्र नम्बर २ बाट प्रतिनिधि सभा सदस्यमा विजयी हुनु

प्यूठानबाट एमालेका सूर्य थापा निर्वाचित

प्यूठान-एउटा मात्र प्रतिनिधिसभा र दुई प्रदेशसभा निर्वाचन क्षेत्र रहेको प्यूठानको अन्तिम मत परिणाम सार्वजनिक भएको

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई