आमसभा कस्तो हुन्छ, हेर्न आज बुटवल आउनुहोस् : एमाले उपाध्यक्ष पौडेल
काठमाडौं– नेकपा (एमाले)का अध्यक्ष केपी शर्मा ओली चुनावी सभालाई सम्बोधन गर्न आज बुटवल जाँदै हुनुहुन्छ । नेकपा एमालेका उपाध्यक्ष बिष्णु पौडेलले बुटवलमा नेकपा एमालेका उमेदवारहरुको जित सुनिश्चित भैसकेको बताउनु भएको छ ।
‘चुनाव जितिन्छ भन्ने कुरामा समस्या छैन, तर कुन ढंगले जित हुन्छ भन्ने मात्रै बांकी हो’– । ‘अब औसत ढंगले चुनाव जित्ने होइन, अत्यधिक र ऐतिहासिक रुपमा विरासतलाई नयाँ ढंगले पुष्टि गर्ने गरी चुनाव जित्नु पर्छ’ उहाले भन्नुभयो ।
बुटवलमा शनिबार भएको गठबन्धनको सभालाइ इंगित गर्दै पौडेलले एजेन्डा बिनाको सभाको कुनै अर्थ नरहेको बताउनु भयो । “आमसभा कस्तो हुन्छ भन्ने हेर्न भोलि आउनुस् ।’ उहाले भन्नुभयो। पूरा गठबन्धन एकातिर र एमाले अर्कोतिर लडाइँमा रहेतापनि गठबन्धनले एमालेलाई हराउन सक्ने कुनै आधार समेत नरहेको उहाले बताउनु भयो ।
बुटवल उपमहानगरमा नेकपा एमालेले बाबुराम भट्टराईलाई मेयरको उम्मेदवार बनाएको छ भने, सत्ता गठबन्धनबाट कांग्रेस नेता खेलराज पाण्डे साझा उम्मेदवार छन्।
बुटवलमा एमाले विगतको विरासत जोगाउन लागिपरेको छ भने, कांग्रेस एमालेलाई पराजित गरि नेतृत्व फर्काउन कस्सिएको छ। उपमेयरतर्फ एमालेले पार्टीका केन्द्रीय सदस्य सावित्रा अर्याललाई उम्मेदवार बनाएको छ भने, गठबन्धनले नेकपा (एकीकृत समाजवादी) का नेता चीनबहादुर गुरुङलाई साझा उम्मेदवार बनाएको छ।
