धनगढीको मेयरमा स्वतन्त्र उम्मेदवार हमालको जित , उपमेयरमा एमाले
धनगढी, जेठ ७ गते । धनगढी उपमहानगरपालिकाको मेयरमा स्वतन्त्र उम्मेदवार गोपाल हमालको जित भएको छ । उपमेयरमा एमालेका कन्दकला रानाको जित भएको छ । प्रमुख र उपप्रमुख दुवै पदमा गठबन्धनका उम्मेदवारहरू पराजित भएका छन् ।
प्रमुखमा स्वतन्त्र उम्मेदवार बनेका गोपाल हमालले गठबन्धनका तर्फबाट उम्मेदवार भएका नृपबहादुर वडलाई पराजित गरेका हुन् । हमालले वडभन्दा १२ हजारभन्दा बढी मत पाएका छन ।
गठबन्धका साझा उम्मेदवार माओवादी केन्द्रका शान्ति अधिकारीले उपमेयरमा पराजित भएकी छिन् ।
मतगणना सकिएको छ । आधिकारिक घोषणा केही समयपछि गरिने बताइएको छ ।
