नेकपा एमालेकी सुनिता डंगोलको सर्वाधिक मत र मतान्तरमा कीर्तिमान विजय
काठमाडाैँ जेठ १३: २०७९ को वैशाख ३० मा सम्पन्न भएको स्थानीय तह निर्वाचनमा काठमाडौं महानगरपालिको उप मेयरमा एमालेकी सुनिता डंगोल निर्वाचित हुनु भएको छ । डंगोलले ६८ हजार ६१२ ल्याउनुभयो । डंगोलको निकटतम प्रतिद्वन्द्वी नेकपा एकीकृत समाजवादीका रामेश्वर श्रेष्ठले २३ हजार ८०६ मत प्राप्त गर्नुभएको छ । डंगोलले प्राप्त गरेको मत अन्य महानगरका उम्मेदवारले प्राप्त गरेको भन्दा सबैभन्दा धेरै हो । सुनिताको मतान्तर ४४ हजार ८ सय ६ रहेको छ ।
काठमाडौं महानगरपालिकामा कुल मतदाता ३ लाख २४२ रहेका छन् । निर्वाचनमा १ लाख ९० हजार ९६२ मत खसेको र त्यसमध्ये ७ हजार ६८२ मत बदर भएको काठमाडौंका मुख्य निर्वाचन अधिकृत राजकुमार खतिवडाले जानकारी दिनुभयो ।
