एमाले सचिवालय बैठक आज बस्दै ,केही नेताको जिम्मेवारी हेरफेर हुन सक्ने
काठमाडाैँ असार १९ : नेकपा (एमाले)ले आज बस्ने केन्द्रीय सचिवालय बैठकको एजेण्डा तय भएको छ । शनिबार महासचिव शंकर पोखरेलको अध्यक्षतामा पार्टी कार्यालय च्यासलमा बसेको केन्द्रीय कार्यालयको बैठकले एजेण्डा तय गरेको हो ।
विहान ११ बजे पार्टी केन्द्रीय कार्यलय च्यासलमा बस्ने बैठकमा निर्वाचनको गहन समिक्षा आगामी निर्वाचनको प्रारम्भिक तयारीका विषयमा छलफल,केही नेताहरुको जिम्मेवारी हेरफेर र विभागहरुमा मनोनयन लगायतका विषयहरुमा छलफल हुने जनाइएको छ ।
सचिवालयका एक नेताका अनुसार केही विभागहरुका सचिव पनि आज तोकिदैछन् ।
पार्टी केन्द्रीय कार्यलयको बैठकले हिजो आजको बैठकका एजेण्डा तय गरे पनि त्यसलाई सार्वजनिक गरेको छैन ।
