एमालेले आफ्नो शक्ति स्थानीय तहको निर्वाचमा देखाइसकेको छ : महासचिव पोखरेल


स्याङ्जा । नेकपा (एमाले) का महासचिव शंकर पोखरेलले अहिलेको सत्ता गठबन्धनले राष्ट्रलाई सङ्कटमा धकेलेको बताउनुभएको छ ।
नेकपा (एमाले) स्याङ्जा जिल्ला कमिटीद्वारा शनिवार आयोजित कार्यकर्ता प्रशिक्षण कार्यक्रममा बोल्दै महासचिव पोखरेलले पाँच दलीय गठबन्धनले सत्ता स्वार्थमा परेर देशलाई दुरगामी असर पर्ने खालका निर्णयहरू गर्दै गएकाले देश सङ्कटमा पर्ने खतरा बढ्दै गएको बताउनुभयो ।
आगामी निर्वाचनमा पाँच दलीय गठबन्धनसँग एक्लै प्रतिस्पर्धा गर्न एमाले सक्षम रहेको कुरा स्थानीय तहको निर्वाचनबाट पुष्टि भएको बताउँदै उहाँले कार्यकर्तालाई एकताबद्ध भएर संगठन विस्तारको अभियानमा लाग्न आग्रह गर्नुभयो ।
महासचिवले भन्नुभयो– ‘नेकपा (एमाले) ले आफ्नो शक्ति स्थानीय तहको निर्वाचमा देखाइसकेको छ, सारा दुनियाँ एकातिर र एमाले अर्कोतिर हुँदा पनि एमालेले सबैभन्दा बढी लोकप्रिय मत ल्याएर जनतामा आफ्नो दह्रो उपस्थिति देखाइसकेको छ । यो नै मुलुकको पहिलो शक्ति एमाले भएको प्रमाण हो ।”
तत्कालीन अर्थमन्त्री जनार्दन शर्माले बजेट निर्माण गर्दा बिचौलियाको प्रयोग गरेर करका दरमा गरेको हेरफेर र नागरिकताका विषयमा गरिएको व्यवस्थाले नै अहिलेको सरकारले कसका लागि काम गरिरहेको प्रस्ट भएको महासचिव पोखरेलको भनाइ थियो ।
‘नेपाली काँग्रेसका विरूद्धमा नेकपाले पाएको जनमत कांग्रेसको पाउमा लगेर बुझाउने प्रचण्ड र माधव नेपाल नयाँ रायमाझीको रूपमा प्रकट भएकाछन् । उनीहरूको यस कदमको पक्कै पनि इतिहासले मूल्याङ्कन गर्ने छ ।’
देशमा समृद्धि र विकासको लागि एमालेको विकल्प नभएको बताउँदै उहाँले बाटो विराएर समाजवादीमा गएका र माओवादीका कार्यकर्तालाई देश विकासको मूल प्रवाहमा जोडिन एमालेमा फर्किन आह्वान समेत गर्नुभयो ।
महासचिव पोखरेलले विगतका कमी कमजोरीहरू सच्याउँदै पार्टीको काममा लाग्न कार्यकर्तालाई निर्देशन दिनुभयो । महासचिव पोखरेलले पार्टीभित्र हरेक नेता–कार्यकर्ता अवसरवादबाट प्रभावित भएको चर्चा गर्दै अव अवसरवादलाई परास्त गर्नैपर्ने वताउनुभयो ।
उहाँले आगामी संघ र प्रदेशको निर्वाचनमा स्थानीय तहमा गरेजस्तो बेइमानीलाई पार्टीले छुट नदिने बटमलाइन सुनाउनु भएको छ ।
‘निर्वाचनमा जुन पार्टीले बहुमत हासिल गर्छ, त्यसैले राज्यसत्ताको नेतृत्व गर्छ’ चर्चा गर्दै महासचिव पोखरेलले भन्नुभयो, ‘चुनाव एमालेले जित्छ भने सर्वहारा श्रमजीवी बर्गको पक्षमा काम गर्छ । काँग्रेसले जित्यो भने दलाल पुँजीपति बर्गको पक्षमा काम गर्छ । यो सच्चाइलाई हामीले बुझ्ने कि नबुझ्ने ?’
महासचिव पोखरेलले निर्वाचनलाई सामान्य चुनावका रूपमा मात्रै लिने गल्ती नगर्न सवै नेता कार्यकर्तालाई सचेत गराउनुभयो ।
‘चुनाव सामान्य होइन, यो निकै ठूलो महत्वको छ । राजनीतिको दिशा बदल्ने चुनाव हो आउने चुनाव । हामीले समृद्ध नेपाल निर्माणको अभियान पूरा गर्न चुनाव जित्नैपर्छ, चुनाव जित्न हामीभित्र रहेको अवसरवादलाई परास्त गर्न जरूरी छ,’ महासचिव पोखरेलले भन्नुभयो ।
उहाँले कम्यनिष्ट आन्दोलनका नेता नै अवसरवादको शिकार भएको भन्दै अव एमालेभित्र त्यस्तो काम हुन नहुने बताउनुभयो ।
‘एउटा कमरेड किन विचलित हुन्छ ? वैचारिक कामको अभावमा विचलित हुन्छ । वैचारिक काममा जति महत्व दिन्छौं, त्यत्ति नै हामीभित्र रहेको अवसरवादलाई परास्त गछौं,’ महासचिव पोखरेलले भन्नुभयो ।
‘अवसरवाद कस्तो हुन्छ भन्ने कुरा माधव नेपाललाई हेरे पुग्छ । जीवनभर पार्टी सत्तामा रहेका नेपालले अवसरवादकै कारण कलङ्कको टीका लगाए । आफैले आफैलाई सिध्याए । आफैले बनाएको पार्टी सत्ताका लागि फुटाए ।’
कार्यक्रममा पार्टी सचिव तथा गण्डकी इञ्चार्ज पदमा अर्यालले एमालेको विजयबिना मुलुकका सपना पूरा नहुने भएकाले व्यक्तिगत स्वार्थमा अल्झने गल्ती नेता कार्यकर्ताबाट हुन नहुने बताउनुभयो ।

 

प्रतिक्रिया दिनुहोस  
एमालेमा प्रवेश गर्ने कसैले पनि अलपत्र पर्न पर्दैन : एमाले अध्यक्ष ओली

काठमाडौं, साउन २२ : नेकपा एकीकृत समाजवादीका केन्द्रीय लेखा आयोगका सदस्य भोला पोखरेलसहित पेशागत क्षेत्रका

समाजवादको यात्रा नेकपा (एमाले) र त्यसका अध्यक्ष केपी ओलीले मात्रै सञ्चालन गर्न सक्नेछन् :एमाले सचिव भट्टराई

काभ्रे । नेकपा (एमाले)  काभ्रेले चुनावी प्रशिक्षण शुरू गरेको छ । नेकपा (एमाले) काभ्रे जिल्ला

२०७९ साउन २२ गतेको राशिफल , कुन राशिलाई शुभ– कुनलाई अशुभ ?

मेष–आरोग्यता प्राप्ति हुनेछ । बोली र व्यक्तित्वको प्रभाव बढ्नेछ । वृष– नयाँ जिम्मेवारी हात पर्ने

शेरबहादुरको गन्तव्य म्याडम साहेव । प्रचण्डको गन्तव्य सुपुत्री । माधव नेपालको त के कुरा गरौं : एमाले अध्यक्ष ओली

भक्तपुर । नेकपा (एमाले) का अध्यक्ष केपी शर्मा ओलीले यतिबेला सिङ्गो पार्टीपङ्तीका सम्पूर्ण क्रियाकलाप महासङ्ग्रामका

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई