एमाले वरिश्ठ उपाध्यक्ष पोखरेलको यस्तो आयो घोषणा
काठमाडौं, १८ कात्तिक । नेकपा एमालेका वरिष्ठ उपाध्यक्ष ईश्वर पोखरेलले आफ्नो प्रतिबद्धतापत्र सार्वजनिक गर्नुभएको छ । आज आफ्नो चुनावी प्रतिबद्धता पत्र सार्वजनिक गर्दै काठमाडौं–५ बाट प्रतिनिधिसभामा उम्मेदवारी दिनुभएको पोखरेलले विद्यमान सामुदायिक तथा गुठी विद्यालयहरूमा पूर्वाधार तथा शैक्षिक गुणस्तर अभिवृद्धि गरी स्थानीय जनताको शैक्षिक आकर्षणको केन्द्रको रूपमा विकास गर्ने उल्लेख गर्नुभयो ।
उहाँले स्थानीय निर्वाचनमा जारी एमालेको घोषणापत्र र प्रतिबद्धतापत्रको कार्यान्वयन गर्न केन्द्र र प्रदेश सरकारका तर्फबाट स्थानीय तहका जनप्रतिनिधिहरूलाई विशेष सहयोग गर्ने बताउनुभयो । चीन सरकारको सहयोगमा दोस्रो चरणमा निर्माण हुने चक्रपथ विस्तारलाई कलंकीदेखि धोबीखोलासम्म पुर्याउन पहिलादेखि गरिरहेको पहलकदमीलाई तिव्रता दिने पोखरेलले प्रतिबद्धता जनाउनुभएको छ ।
