थापाको योगदान निकै महत्वपूर्ण


पूर्वप्रधानन्यायाधीश सुशीला कार्कीले नेपालको इतिहासमा राष्ट्रको संरक्षण गर्ने व्यक्तिमा तत्कालीन मुख्तियार भीमसेन थापाको योगदान महत्वपूर्ण भएको बताउनुभएको छ । राष्ट्रिय विभूति भीमसेन थापा स्मृति प्रतिष्ठानले आयोजना गरेको ‘राष्ट्रिय विभूति भीमसेन थापाको २४४ औँ जन्मजयन्ती तथा भीमसेन थापा स्मृति पुरस्कार प्रदान’ कार्यक्रममा उहाँले तत्कालीन समयमा अङ्ग्रेजबाट नेपाली भूमिलाई सुरक्षा गर्न खेलेको भूमिका अतुलनीय रहेको बताउनुभयो । पूर्वप्रधानन्यायाधीश कार्कीले भन्नुभयो, “इतिहास पढ्ने बेलामा थापाको बारेमा पढेको थिए, त्यो बेला अङ्ग्रेजबाट नेपाललाई बचाउने व्यक्ति, महिलालाई वधुवा बनाउन हुँदैन, विधवा देवरले सकार्नेजस्ता कुप्रथाको विरोध गर्नुभयो ।” नेपालको निजामती, सुरक्षा क्षेत्र र समग्र सेवाप्रदायक सरकारी निकायको विकासमा पनि उल्लेखनीय योगदान दिएको सुनाउँदै उहाँले थापाले नेपाली सेनाको सङ्ख्यामा वृद्धि गर्ने र सवल बनाउने मुख्य भूमिका रहेको बताउनुभयो । डा तुलसीराम वैद्येलाई भीमसेन थापा स्मृति पुरस्कार पूर्वप्रधानन्यायाधीश कार्कीले प्रदान गर्नुभयो । उहाँलाई रु ५१ हजार १११ र सम्मानपत्रसहित पुरस्कार प्रदान गरिएको हो । पुरस्कृत व्यक्तित्व डा वैद्येले प्रतिष्ठानले नेपालको इतिहासमा देशभक्त थापाका बारेमा गहन अध्ययन गरी ग्रन्थ प्रकाशन गर्न आग्रह गर्नुभयो । प्रतिष्ठानका अध्यक्ष प्रा डा पार्थिवेश्वरप्रसाद तिमिल्सिनाले थापाको जन्मजयन्तीका अवसरमा प्रतष्ठिानले हरेक वर्ष कार्यक्रम गरी थापाको योगदानको स्मरण गर्ने र उहाँको बारेमा अध्ययन गर्ने व्यक्तिलाई पुरस्कृत गर्दै आएको जानकारी दिनुभयो । नेपालका राष्ट्रिय विभूति भीमसेन थापा नेपाल एकीकरणको प्रमुख अध्याय समाप्त भएको करीब छ वर्षपछि विसं १८३२ साउन ९ गते बगाल थापाकुलका साना अमरसिंह थापा र सत्यरुपाका पाँच भाइ छोरामध्ये ज्येष्ठपुत्रका रुपमा गोरखामा जन्मनुभएको थियो । इमान्दार, कर्मठ एवं स्वाभिमानी राष्ट्रसेवक थापाविरुद्ध तत्कालीन समयमा लागेको झुटो आरोप सहन नसकेपछि आफ्नो इज्जतमा लागेको दागलाई सहन नसकी प्राण त्याग गर्नुभएको थियो ।

प्रतिक्रिया दिनुहोस  
परराष्ट्र मन्त्री पौड्याल र श्रीलंकाका प्रधानमन्त्री गुणबद्र्धने विच भेटवार्ता

काठमाडौ/माघ २१ परराष्ट्रमन्त्री डा बिमला राई पौड्यालले श्रील.काका प्रधानमन्त्री दिनेश गुणबद्र्धनेसँग शिष्टाचार भेट गर्नुभएको छ

राष्ट्रिय स्वतन्त्र पार्टीको निर्णयक बैठक शुरु हुनु भन्दा अगाडि अध्यक्ष रवी लामिछानेको यस्तो आयो ट्विट

  राष्ट्रिय स्वतन्त्र पार्टीको केन्द्रीय समिति बैठक सुरु भएको छ । केहीबेर अघि राजधानीस्थित पार्टी

कांग्रेस संसदीय दल कार्यसमितिको बैठक आज बस्ने

काठमाडौँ । कांग्रेस संसदीय दल कार्य समितिको बैठक आज बस्दैछ । आज विहान ९ बजे 

अनेरास्ववियुको निर्वाचनमा भोटिङ मेसिनको प्रयोग हुने

काठमाडौं, १९ माघ : नेकपा (एमाले) निकट अनेरास्ववियुको २३औँ राष्ट्रिय महाधिवेशनबाट नयाँ नेतृत्व चयन गर्नका

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई