प्रधानमन्त्री ओली भोली स्वदेश फर्किदै
काठमाडौं, २३ साउन– उपचारका क्रममा सिंगापुरमा रहनुभएका प्रधानमन्त्री केपी शर्मा ओली शुक्रबार स्वदेश फर्किदै हुनुहुन्छ । प्रधानमन्त्री निकट स्रोतका अनुसार प्रधानमन्त्री ओली अाज विहीबार डिस्चार्ज भई भाेली शुक्रबार साँझ ८ बजे नेपाल फर्कने कार्यक्रम तय भएको छ ।
प्रधानमन्त्रीको सिंगापुरको नेशनल युनिभर्सिटी अस्पतालमा उपचार भइरहेको छ ।
प्रधानमन्त्री ओलीले १२ वर्षअघि भारतमा मिर्गौला प्रत्यारोपण गरेपछि नियमित स्वास्थ्य परीक्षण गराइरहनुभएको छ ।
प्रधानमन्त्रीसँग धर्मपत्नी राधिका शाक्य, प्रमुख राजनीतिक सल्लाहकार विष्णु रिमाल, निजी चिकित्सक डा दिब्यसिंह शाह सहित नौजनाको टोली सहभागि छ ।
