विकासको भोक सरकारले मेटाउँछ : मन्त्री पोखरेल


ओखलढुङ्गा, ३० चैत : उपप्रधानमन्त्री एवं रक्षामन्त्री ईश्वर पोखरेलले नागरिकको विकासको भोक सरकारले मेटाउने बताउनुभएको छ । प्रथम ओखलढुङ्गा महोत्सवको आज उद्घाटन गर्दै उपप्रधानमन्त्री पोखरेलले निर्वाचनका बेला जनताका बीचमा गरिएका, घोषणापत्रमा उल्लेख गरिएका र सरकार बनिसकेपछि व्यक्त गरिएका प्रतिबद्धता पूरा गर्न सङ्घीय सरकार लागिपरेको बताउनुभयो । देशमा नेपाल कम्युनिष्ट पार्टी (नेकपा)को सरकार गठन मात्रै नभएर प्रणाली नै फेरिएको उहाँले बताउनुभयो । “मुलुकमा नेकपाको बहुमत प्राप्त सरकार मात्रै बनेको होइन, विगतको प्रणाली नै परिवर्तन भएको छ । सरकार चुनावका बेला गरिएका प्रतिबद्धता मात्रै होइन नागरिकका सबैजसो चाहना पूरा गरेरै छाड्छ । यो हाम्रो सङ्कल्प हो । अठोट हो”, उहाँले भन्नुभयो । उहाँले मुलुकको समृद्धिका लागि जनप्रतिनिधि जिम्मेवार बन्नुपर्ने बताउनुभयो । आफ्नो प्रतिबद्धताबाट सरकार पछि नहट्ने दाबी गर्दै उपप्रधानमन्त्री पोखरेलले तीनवटै तहका जनप्रतिनिधि विकासप्रति चिन्तित हुनुपर्ने बताउनुभयो । “विकास सम्भव छ, त्यसका लागि बजेट र योजना तर्जुमामा सङ्घीय सरकारले कुनै कमी हुन दिँदैन”, उहाँले भन्नुभयो, “संविधानप्रदत्त अधिकार प्रयोग गर्दै स्थानीय, प्रदेश र सङ्घमा प्रतिनिधित्व गर्ने जनप्रतिनिधि साथी गोठालो बन्नुस् ।” उहाँले सरकार अहिलेसम्म ऐन कानून निर्माणमा केन्द्रित भएकाले अब पूर्वाधार विकासमा जुट्ने बताउनुभयो । ओखलढुङ्गा महोत्सव आगामी वैशाख १० गतेसम्म सञ्चालन हुनेछ ।
(रासस)

प्रतिक्रिया दिनुहोस  
६८४ स्थानीय तहको नतिजा सार्वजनिक, कुन पार्टीले कति पालिका जिते ?

निर्वाचन आयोगको तथ्यांकअनुसार हालसम्म २३७ नगर र ४५५ गाउँपालिका गरी कुल ६८४ स्थानीय तहको नतिजा

७५ हजार बढी मतगणना हुँदा बालेनको फराकिलो अग्रता कायमै

  काठमाडौं – स्वतन्त्र उम्मेद्वारी दिएका बालेन साहले काठमाडौँ महानगरपालिकाको मेयरमा २८ हजार ६ सय

६५ हजार बढी मतगणना हुँदा बालेनको फराकिलो अग्रता

काठामडौं– स्वतन्त्र उम्मेद्वारी दिएका बालेन साहले काठमाडौँ महानगरपालिकाको मेयरमा २५ हजार ४ सय २७ मत

२०७९ जेठ ६ गतेको राशिफल , कुन राशिलाई शुभ– कुनलाई अशुभ ?

मेष– आम्दानीले गर्जो टर्नेछ, पारिवारिक साथ मिल्नेछ । वृष– स्वास्थ्यले साथ दिनेछ, पुरानो काम छिटो

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई