सबै भ्रष्टाचारी कानूनी कठघरामा : सञ्चारमन्त्री बाँस्कोटा
तौलिहवा, २ वैशाख(रासस) : सरकारका प्रवक्ता एवं सञ्चार तथा सूचना प्रविधिमन्त्री गोकुलप्रसाद बाँस्कोटाले वर्तमान सरकारले एकपछि अर्को भ्रष्टाचारीलाई नियन्त्रणमा लिएर कारवाही अगाडि बढाएको बताउनुभएको छ ।
नेपाल पत्रकार महासङ्घ कपिलवस्तु शाखाले हिजाे गोरुसिङ्गेमा आयोजना गरेको नयाँ वर्षको शुभकामना आदानप्रदान तथा भेटघाटमा उहाँले पछिल्लो समय ललिता निवासलगायत पाँच सयबढी भ्रष्टाचारीलाई कारवाहीको दायरामा ल्याएको दाबी गर्नुभयो ।
मन्त्री बाँस्कोटाले निर्मला पन्त, वाइड बडी विमान एवं ३३ किलो सुन प्रकरणमा संलगनलाई पनि क्रमश कानूनी कठरामा ल्याउने बताउनुभयो । साथै उहाँले यसवर्ष श्रमजीवी पत्रकारका लागि सुखद् वर्ष हुने स्मरण गराउँदै जसका लागि संसद्मा जारी विधेयक छिट्टै पारित हुने बताउनुभयो ।
