प्रधानमन्त्री रोजगार कार्यक्रमलाई सहुलियत दरमा विश्व बैंकको १४ अर्ब ऋण


काठमाडौं: ओली सरकारले गत आर्थिक वर्षदेखि शुरू गरेको प्रधानमन्त्री रोजगार कार्यक्रमलाई विश्व बैंक अन्तर्गतको अन्तरराष्ट्रिय विकास संस्था (आईडीए) ले रू। १३ अर्ब ६५ करोड (१२० मिलियन डलर) सहुलियत दरमा ऋण स्वीकृत गरेको छ । अर्थ मन्त्रालयका अनुसार विश्व बैंकले ‘युथ इम्प्लोयमेन्ट ट्रान्सफर्मेशन इनिसिएटिभ प्रोजेक्ट’ का नामबाट उक्त ऋण स्वीकृत गरेको हो । उक्त ऋण श्रम, रोजगार तथा सामाजिक सुरक्षा मन्त्रालय अन्तर्गत परिचालन गरि प्रधानमन्त्री रोजगार कार्यक्रममा खर्च हुने कार्यक्रमका संयोजक प्रकाश दाहालले जानकारी दिनुभयो।

प्रधानमन्त्री रोजगार कार्यक्रम अन्तर्गत बनेको काठे पुल

सरकारले बेरोजगारलाई वर्षमा कम्तीमा १०० दिन काम दिने, काम दिन नसके वार्षिक २५ हजार ८५० रुपैयाँ बेरोजगारी भत्ता दिने गरी प्रधानमन्त्री रोजगार कार्यक्रम घोषणा गरेको थियो । गतवर्ष यस कार्यक्रमका लागि रू. २ अर्बभन्दा बढी बजेट स्थानीय तहलाई अनुदानका रूपमा उपलब्ध गराइएको थियो । प्रधानमन्त्री रोजगार कार्यक्रममा उत्साहजनक सहभागिता थियो।

प्रधानमन्त्री रोजगार कार्यक्रम अन्तर्गत नदी कटान रोक्न तटबन्ध निर्माण

उक्त ऋणलाई स्थानीय तहमा रहेका रोजगार सेवा केन्द्रको आईटी सिस्टम सुधार्न, रोजगार नीति तयार गर्न र कार्यक्रमको अनुगमन गर्न समेत परिचालन गरिने छ। रकमबाट आवस्यकता अनुसार स्वरोजगारमूलक तालीम समेत सञ्चालन गरिने संयोजक दाहालले जानकारी दिनुभयो। दाहालले आवश्यकता अनुसार कार्यक्रमको मोडालिटी समेत बदली शीपमूलक तालीम मार्फत सहुलियत ऋणबाट रोजगार बढाउने समेत लक्ष्य रहेको जानकारी दिनुभयो।

प्रधानमन्त्री रोजगार कार्यक्रम अन्तर्गत निर्माण गरिएको कृषि कुलो
प्रतिक्रिया दिनुहोस  
गठबन्धन टुट्न सक्छ : वर्षमान पुन

काठमाडौं -माओवादी नेता वर्षमान पुनले काँग्रेसले धेरै खेल्न खोजे गठबन्धन टुटाइदिने चेतावनी दिनुभएको छ ।

एमाले पोलिटब्यूरो सदस्य गोकुल बाँस्कोटा ट्विट : बल्ल परो नीरमाया माकुरी जालैमा!

काठमाडौं, असार १० गते : नेकपा (एकीकृत समाजवादी) को मन्त्रिपरिषद् हेरफेरलाई लिएर उत्पन्न विवादप्रति नेकपा

माओवादीका केन्द्रीय सदस्य नै एमाले प्रबेश

काठमाडौं । नेकपा माओवादी केन्द्रका केन्द्रीय सदस्य तथा दाङ जिल्ला इन्चार्ज जीवन गौतम नेकपा (एमाले)

एमालेका सचिव योगेश भट्टराईको कडा स्टाटस

नेकपा एमालेका सचिव योगेश भट्टराईले माधव नेपाल नेतृत्वको नेकपा एकीकृत समाजवादीमा देखिएको विवादबारे टिप्पणी गर्नुभएको

सूचना विभाग दर्ता नं: २५२२/७७/ ७८
 अध्यक्ष तथा सम्पादक : प्रदिप भट्टराई