पत्रकार अर्जुन गिरी रिहा भएपछी भन्छन ठगी बिरुद्द समाचार लेखिरहने छु ।
पोखराका पत्रकार अर्जुन गिरी काठमाडाैँ जिल्ला अदालतबाट आज साधारण तारेखमा रिहा भएका छन् । जिल्ला न्यायाधीश अम्बरराज पौडेलको एकल इजलासले पत्रकार गिरीलाई रिहा गर्ने निर्णय गरेको हो ।
आदेश लगत्तै सम्पादक गिरीले ठगी गर्नेहरुको बिरुद्ध निरन्तर लेखिरहने बताएका छन् ।
पोखराको ताण्डव न्यूज डट कमका सम्पादक अर्जुन गिरीलाई व्यवसायी विपेन्द्रराज बतासका बारेमा समाचार लेखेको आरोपमा पक्राउ गरिएको थियो । उनलाई साइबर क्राइमअन्तर्गत पक्राउ गरिएको बताइएको थियो ।
पत्रकार गिरीको रिहाईपछि जिल्ला अदालत काठमाडौं परिसरमा पत्रकारहरुले स्वागत गरेका थिए ।
